Y Gleision yn curo Connacht

Diweddarwyd  

Gleision 8–7 Connacht

Y Gleision aeth â hi mewn gêm agos wrth iddynt groesawu Connacht i Barc yr Arfau yn y Guinness Pro14 nos Sadwrn.

Roedd cais hanner cyntaf Owen Lane ac ymdrech amddiffynnol ddewr yn yr ail hanner yn ddigon i’r Gleision ei hennill hi o bwynt a chau’r bwlch ar y Gwyddelod yn nhabl adran A.

Gyda’r amodau o’u plaid yn yr hanner cyntaf, fe giciodd Steve Shingler y tîm cartref ar y blaen wedi deuddeg munud.

Roedd diffyg disgyblaeth yn broblem i’r Gleision wedi hynny wrth iddynt dderbyn dau gerdyn melyn o fewn chwe munud i’w gilydd. Brad Thyer a gafodd y cyntaf am dynnu sgarmes symudol i lawr cyn i Nick Williams ymuno ag ef yn y gell gosb am dacl hwyr.

Yn rhyfeddol, tri dyn ar ddeg y Cymry a gafodd y sgôr nesaf wrth i Owen Lane blymio’n uchel i orffen yn wych yn y gornel yn dilyn rhediad da Lloyd Williams o fôn y sgyrm. 8-0 y sgôr wedi hynny ac felly yr arhosodd hi tan yr egwyl.

Gyda’r gwynt yn hyrddio’r glaw yn eu hwynebau, bu rhaid i’r Gleision wneud llawer mwy o amddiffyn yn yr ail hanner. Ond roedd eu disgyblaeth yn llawer gwell erbyn hyn ac fe wnaethant waith da am hanner awr a mwy.

Fe wnaeth Connacht ddod o hyd i ffordd drwodd yn y diwedd wrth i Paul Boyle hyrddio at y gwyngalch wedi i Lane ildio sgrym bump y gellid bod wedi ei hosgoi o bosib.

Rhoddodd trosiad Conor Fitzgerald yr ymwelwyr o fewn pwynt gyda phum munud yn weddill ond fe lwyddodd y Gleision i ddal eu gafael a sicrhau buddugoliaeth haeddiannol

Mae’r Gleision yn aros yn bumed yn adran A er gwaethaf y fuddugoliaeth ond mae’r bwlch rhyngddynt a Connacht yn y pedwerydd safle bellach i lawr i ddau bwynt.

.

Gleision

Cais: Owen Lane 25’

Trosiad: Steve Shingler 12’

Cardiau Melyn: Brad Thyer 15’, Nick Williams 21’

.

Connacht

Cais: Paul Boyle 75’

Trosiad: Conor Fitzgerald 76’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd