“Y flwyddyn fwyaf i chwaraeon yng Nghymru?” – Gareth Edwards

Diweddarwyd am  

Gareth Edwards

Llun: Comin Wicimedia

Gallai tîm rygbi Cymru goroni’r “flwyddyn fwyaf i chwaraeon yng Nghymru” drwy ennill Pencampwriaeth y Chwe Gwlad a chystadlu’n gryf yng Nghwpan y Byd y flwyddyn nesaf.

Mae’r tîm eisoes wedi ennill naw gêm o’r bron o dan Warren Gatland – eu perfformiad gorau ers ugain mlynedd – a llwyddo i ennill pob gêm yn yr hydref am y tro cyntaf erioed.

Ac fe all fod gwell i ddod, yn ôl un o fawrion y gêm.

“Gallai hon fod y flwyddyn fwyaf i chwaraeon yng Nghymru,” meddai Gareth Edwards.

“Gallwn ni gystadlu gyda’r goreuon ac rwy’n credu bod gyda ni’r bobol i siglo’r byd.

“Does dim angen i ni ofni neb oherwydd beth sydd wedi cael ei ddatblygu.

“Mae’r amddiffyn gwych yno i bawb gael ei weld a dyma, fwy na thebyg, y garfan orau gawson ni o’r top i’r gwaelod.

“Mae mwy o gysondeb ac mae’r fainc dipyn cryfach. Pan mae’r bois yn rhedeg ymlaen, dydych chi ddim yn ofni beth sy’n mynd i ddigwydd rhagor.”

Llwyddiant

Yn ystod yr hydref, llwyddodd Cymru i guro’r Alban, Awstralia, Tonga a De Affrica.

Eu buddugoliaeth dros Awstralia oedd y gyntaf mewn 14 o gemau.

“Mae beth gyflawnodd Cymru yn yr hydref wedi bod yn wych, ac wedi rhoi tipyn o hyder i ni,” meddai Gareth Edwards.

“Bydd y Chwe Gwlad yn fwy o brawf nawr, yn enwedig Lloegr ac Iwerddon.

“Ond bydd chwarae yn eu herbyn nhw yng Nghaerdydd yn fantais wych, a gobeithio y gallwn ni gael Chwe Gwlad wych cyn y prawf mwyaf un [Cwpan y Byd].”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd