Connacht yn rhoi cweir i’r Dreigiau

Diweddarwyd  

Connacht 33–12 Dreigiau

Parhau y mae tymor siomedig y Dreigiau yn y Guinness Pro14 wedi iddynt golli’n drwm yn erbyn Connacht ar Faes Chwarae Galway nos Sadwrn.

Cafwyd dechrau addawol gan y Cymry ond buan iawn y trodd pethau’n sur wrth i’r Gwyddelod ddechrau rheoli.

Wedi chwarter cyntaf digon cyfartal, daeth trobwynt y gêm hanner ffordd trwy’r hanner cyntaf pan wastraffodd Dafydd Howells gyfle euraidd i groesi am gais cyntaf y gêm i’r Dreigiau, yn methu dal ei afael ym mhas Taine Basham.

O fewn deg munud, roedd yr ymwelwyr o Gymru 19 pwynt ar ei hôl hi wedi tri chais cyflym gan Connacht.

Daeth y cyntaf i James Cannon wedi sgarmes symudol effeithiol a’r ail i Darragh Leader yn y gornel dde wedi dwylo da gan yr olwyr. Roedd amddiffyn y Dreigiau ar chwâl erbyn y trydydd wrth i Colby Faingaa orffen ymosodiad a ddechreuodd yn ddwfn yn hanner Connacht.

Aeth pethau o ddrwg i waeth wrth i Tom McCartney sicrhau’r pwynt bonws i’r Gwyddelod gyda synudiad olaf yr hanner, 26-0 y sgôr wrth droi.

Tynnodd y tîm cartref eu traed oddi ar y sbardun yn yr ail hanner a rhoddwyd y llygedyn lleiaf o obaith i’r Dreigiau pan ochr-gamodd Hallam Amos, a oedd yn chwarae fel canolwr, i groesi am gais i’r Cymry.

Dawnsiodd Thomas Farrell drosodd am bumed cais Connacht wedi hynny cyn i Basham sgorio ail gais cysur i’r Dreigiau yn yr eiliadau olaf, 33-12 y sgôr teryfnol.

.

Connacht

Ceisiau: James Cannon 24’, Darragh Leader 27’, Colby Faingaa 30’, Tom McCartney 40’, Thomas Farrell 69’

Trosiadau: David Horwitz 25’, 31’, 40’, Jack Carty 70’

.

Dreigiau

Ceisiau: Hallam Amos 57’, Taine Basham 80’

Trosiad: Jason Tovey 80’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd