Gêm gyntaf cefnder Nigel Owens yn Ewrop

Diweddarwyd am  

Daw’r cyfle heno i weld asgellwr dan 20 Cymru, Ioan Nicholas, yn chwarae ei gêm gyntaf i’r Scarlets yn Ewrop.

Mae Ioan Nicholas yn gefnder i’r dyfarnwr Nigel Owens, ac yn cymryd lle Johnny McNicholl a gafodd anaf ar ddiwedd y gêm wythnos diwethaf, pan gollodd Bois y Sosban gartref 14-13 yn erbyn Racing 92.

Heno mae’r Scarlets oddi cartref yng Nghaerlŷr yn eu hail gêm yng Nghwpan Pencampwyr Rygbi Ewrop.

Caerlŷr yw’r ffefrynnau gydag wyth buddugoliaeth yn eu deg gêm ddiwethaf yn erbyn y Scarlets.

Ac mae hyfforddwr y Scarlets, Wayne Pivac, wedi gorfod ymdopi gydag anafiadau.

Ni fydd Rhys Patchell yn dechrau ar ôl cael anaf i’w ben yn gynharach ym mis Hydref, sy’n golygu bod Dan Jones yn safle’r maswr ar gyfer yr ornest yn erbyn Caerlŷr.

Tom Price sy’n camu mewn i’r ail reng lle Jake Ball, ac mae Josh McLeod yn dechrau yn lle Ed Kennedy ar yr asgell oherwydd ei berfformiad sâl yn erbyn Racing 92.

Mae’r cefnwyr Leigh Halfpenny, Jonathan Davies, Steff Evans, Hadleigh Parkes a Gareth Davies i gyd yn y tîm.

Scarlets

L Halfpenny; I Nicholas, J Davies, H Parkes, S Evans; D Jones, G Davies; W Jones, K Owens, S Lee, T Price, D Bulbring, B Thomson, J Macleod, W Boyde.

Caerlŷr

Mae asgellwr Lloegr, Jonny May yn dychwelyd wedi anaf wrth i Gaerlŷr newid dau o’r tîm ar ôl colli i Ulster yng Nghwpan Pencampwyr Rygbi Ewrop yr wythnos ddiwethaf.

Mae’r Cymro Jonah Holmes, a gafodd ei alw i garfan ryngwladol Cymru am y tro cyntaf yr wythnos hon, yn parhau yn safle’r cefnwr.

Yn yr ail reng mae Will Spencer yn cymryd lle Mike Williams sy’n symud i’r asgell.

Tîm – J Holmes; J May, M Tuilagi, K Eastmond, J Olowofela; G Ford, B Youngs; G Bateman, T Youngs (capt), D Cole, H Wells, W Spencer, M Williams, G Thompson, S Kalamafoni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn