Asgellwr Leicester Tigers yn barod i brofi’i hun dros Gymru

Diweddarwyd am  

Jonah Holmes

Llun: www.leicestertigers.com

Mae’r asgellwr Jonah Holmes wedi dweud ei fod e ar ben ei ddigon ar ôl cael ei alw i garfan rygbi Cymru ar gyfer gemau’r hydref.

Fe fydd Cymru’n herio’r Alban, Awstralia, Tonga a De Affrica fis nesaf.

Mae’r asgellwr, sy’n enedigol o Stockport, wedi’i ddewis am y tro cyntaf ynghyd â’i gyd-asgellwr Luke Morgan o’r Gweilch. Nhw yw’r unig wynebau newydd i’w cynnwys.

Sgoriodd Jonah Holmes ddeg cais mewn 11 o gemau i’r Leicester Tigers y tymor diwethaf, ac mae’n gymwys i gynrychioli Cymru oherwydd mai Cymraeg oedd ei fam-gu.

Mae’n mynnu nad yw’n “golygu dim hyd nes y galla i brofi fy hun ar y llwyfan rhyngwladol”, ond mae’n dweud ei bod yn “anhygoel cael y cyfle”.

“Bydda i’n mynd i ffwrdd ddydd Sul ac mae angen i fi roi fy mhen i lawr a cheisio profi wrth ymarfer beth alla i ei wneud,” meddai.

“Dw i am fod yn rhan o’r cyfan mor fuan â phosib, a dw i’n edrych ymlaen at yr her.”

Luke Morgan

Mae Luke Morgan, yn y cyfamser, yn dweud iddo gael sioc o gael ei ddewis i’r garfan lawn, ar ôl body n flaenllaw yn y tîm saith bob ochr.

Yr asgellwr sy’n dal y record i Gymru am y nifer o geisio mewn gemau saith bob ochr. Mae e wedi sgorio pedwar cais mewn pum gêm i’r Gweilch y tymor hwn.

“Mae’n rywbeth ry’ch chi’n breuddwydio amdano fe’n fachgen, felly mae cael y cyfle hwnnw’n beth anhygoel.

“Yn amlwg, dw i wrth fy modd o gael fy newis, felly bydd rhaid i ni weld beth sy’n digwydd dros yr wythnosau i ddod.

“Dw i wedi cael rhediad da o gemau, ond mae’n sioc fawr i fi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd