Y Gleision yn drech na’r Dreigiau

Diweddarwyd  

Dreigiau 15–23 Gleision

Brwydrodd y Gleision yn ôl i drechu’r Dreigiau ar Rodney Parade nos Sadwrn mewn gêm ddarbi yn y Guinness Pro14.

Roedd y tîm cartref saith pwynt ar y blaen ar hanner amser cyn i’r ymwelwyr daro nôl gyda cheisiau Dacey a Lane wedi’r egwyl.

Dechreuodd y Dreigiau ar dân ac roeddynt ar y blaen wedi deg munud diolch i gais Josh Lewis, y maswr yn derbyn dadlwythiad Jordan Williams cyn croesi.

Ymestynnodd y tîm cartref eu mantais wedi deunaw munud wrth i Jared Rosser groesi am yr ail gais, 12-0 y sgôr wedi trosiad Williams.

Yn ôl y daeth y Gleision gyda chais Owen Lane wedi hanner awr, y cawr o asgellwr yn hyrddio drosodd yn y gornel dde er gwaethaf ymdrechion tri amddiffynnwr i’w daclo!

Caeodd Gareth Anscome y bwlch i bwynt gyda dwy gic gosb yn gynnar yn yr ail hanner cyn i Williams ymestyn y bwlch i bedwar gyda thri phwynt i’r tîm cartref.

Yna, aeth y Gleision ar y blaen am y tro cyntaf yn y gêm pan sgoriodd Kristian Dacey hanner ffordd trwy’r ail hanner, y bachwr a’r sgoriwr cyson yn elwa o sgarmes synudol effeithiol gan weddill ei bac.

Wnaeth yr ymwelwyr ddim edrych yn ôl wedi hynny ac roedd ychydig o awyr iach rhwng y ddau dîm wedi i Anscombe greu, a throsi ail gais Lane o’r gêm chwarter awr o’r diwedd.

Felly yr arhosodd hi tan y diwedd, 15-23 y sgôr terfynol. Mae’r canlyniad yn codi’r Gleision i’r trydydd safle yng nghyngres A y Pro14 ac yn cadw’r Dreigiau’n chweched yng nghyngres B.

.

Dreigiau

Ceisiau: Josh Lewis 11’, Jared Rosser 18’

Trosiad: Jordan Williams 19

Cic Cosb: Jordan Williams 57’

.

Gleision

Ceisiau: Owen Lane 30’, 64’, Kristian Dacey 60’

Trosiad: Gareth Anscombe 65’

Ciciau Cosb: Gareth Anscombe 46’, 55’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd