Cynnal gemau Cwpan Rygbi’r Byd 2021 yn Lloegr – a Lloegr yn unig

Diweddarwyd  

Fe fydd cystadleuaeth Cwpan Rygbi’r Byd yn 2021 yn cael ei chynnal yn Lloegr – a Lloegr yn unig – yn ôl y trefnwyr.

Y Gynghrair Rygbi Pêl-droed, y corff sy’n gyfrifol am rygbi yn Lloegr, fydd trefnwyr y gystadleuaeth yn 2021, ac maen nhw wedi derbyn £25m er mwyn ei chynnal.

Fe fydd cyfanswm o 65 gêm yn cael eu chwarae yn rhan o’r gystadleuaeth dros gyfnod o bum wythnos, gan gynnwys digwyddiadau i ferched a’r anabl.

Fe fydd 31 o gemau ar gyfer y dynion, gyda 80% o’r rheiny’n cael eu cynnal yng ngogledd Lloegr.

Mae’r gystadleuaeth hon am fod yn wahanol i rai’r gorffennol sydd wedi’u cynnal o dan adain y Gynghrair, gyda rhai gemau yn 1995, 2000 a 2013 wedi’u chwarae yn Ffrainc, Cymru ac Iwerddon.

Ond o ganlyniad i nawdd gan y Llywodraeth, mae cyfarwyddwr y gystadleuaeth ar gyfer 2021, sef Jon Dutton, wedi cadarnhau na fydd hynny’n digwydd eto yn 2021.

‘Arian i Loegr yn unig’

“Dw i’n meddwl ei bod yn deg dweud na fyddwn ni’n mynd i Ffrainc,” meddai.

“Mae’r £25m sydd wedi cael ei roi i’r gystadleuaeth ar gyfer Lloegr.

“Mae’n gyllid datganoledig, felly mae’r un peth yn wir am Iwerddon a Chymru.

“Os bydd cais apelgar yn dod i’r bwrdd, fe fyddwn ni’n cael golwg dda arno, ond dw i ddim yn rhagweld mai dyna fydd yr achos.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd