George North mewn “trafodaeth agored” â Seintiau Northampton

 

George North

Llun: Undeb Rygbi Cymru

Mae Seintiau Northampton wedi cadarnhau eu bod nhw’n cynnal “trafodaeth agored” â chynrychiolwyr George North ynglŷn â dod â’i gytundeb gyda’r clwb i ben erbyn taith Cymru fis nesa’.

Fe gyhoeddodd Undeb Rygbi Cymru ddoe (dydd Mercher, Mai 16) fod yr asgellwr 26 oed, ynghyd â blaenwr Caerloyw, Ross Moriarty – a fydd yn dychwelyd i glybiau Cymreig y tymor nesa’ – wedi cael eu dewis i deithio â charfan Cymru yn yr haf.

Mi fydd y daith yn digwydd cyn hir, gyda’r crysau cochion yn herio De Affrica mewn gêm brawf yn Washington DC ar Fehefin 2, a’r Ariannin yn ne’r Amerig ar Fehefin 9 a 16.

“Rydym mewn trafodaeth agored gyda chynrychiolwyr George North ynglŷn â dod â’i gytundeb gyda Seintiau Northampton i ben yn gynnar er mwyn ei alluogi i fynd ar daith gyda Chymru yr haf hwn, o ystyried ei fod yn gadael y clwb ar ddiwedd y tymor, beth bynnag,” meddai llefarydd ar ran y clwb.

Problemau dewis carfan

Daw’r cyhoeddiad hwn ar ôl i enwau Josh Adams, Thomas Francis a Luke Charteris gael eu tynnu o’r garfan ddoe, a hynny wedi i’r corff sy’n cynrychioli’r prif glybiau rygbi yn Lloegr, Premiership Rugby Limited, gyhoeddi nad oedd gan y tri hawl i chwarae.

Yn eu lle, mae prif hyfforddwr Cymru, Warren Gatland – a oedd yn “siomedig” â’r penderfyniad – wedi galw Rhodri Jones, Ashton Hewitt ac Aaron Wainwright i’r garfan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd