Cais hwyr Canna’n curo’r Cymry

Diweddarwyd am  

Zebre 34–32 Dreigiau                                                                       

Parhau y mae tymor trychinebus y Dreigiau yn y Guinness Pro14 wedi iddynt golli yn erbyn Zebre yn y Stadio Lanfranchi brynhawn Sadwrn.

Roedd y Cymry dair sgôr ar y blaen ar yr egwyl ond yn ôl y daeth yr Eidalwyr gan ei hennill hi gyda phedwar cais ail hanner.

Wedi cais cynnar Marcello Violi i Zebre, fe gafwyd ymateb da gan y Dreigiau, ac un gŵr yn enwedig. Croesodd yr asgellwr, Jared Rosser, am dri chais gan gwblhau ei hatric mewn cyfnod o ugain munud yn yr hanner cyntaf.

Gorffennodd yr hanner cyntaf gyda Charlie Davies yn ychwanegu pedwerydd cais gan sicrhau pwynt bonws i’r ymwelwyr cyn troi.

Cafwyd ymateb gwych gan Zebre yn yr ail hanner gyda cheisiau Tommaso Castello, Tommaso D’Apice a Johannes Meyer yn y chwarter awr cyntaf yn eu rhoi o fewn dau bwynt.

Ymestynnodd cic gosb Arwel Robson fantais y Dreigiau i bum pwynt wedi hynny ond Zebre a gafodd y gair olaf wrth i Carlo Canna drosi ei gais ei hun i ennill y gêm i’w dîm.

.

Zebre

Ceisiau: Marcello Violi 6’, Tommaso Castello 46’, Tommaso D’Apice 51’, Johannes Meyer 56’, Carlo Canna 71’

Trosiadau: Carlo Canna 7’, 47’, 72’

Ciciau Cosb: Carlo Canna 18’

.

Dreigiau

Ceisiau: Jared Rosser 14’, 21’, 34’, Charlie Davies 40’

Trosiadau: Arwel Robson 21’, 35’, 40’

Ciciau Cosb: Arwel Robson 48’, 67’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd