Y Gweilch yn erbyn Ulster

 

Clwb rygbi Ulster

Llun trwy Gomin Wicimedia

Mae Ulster yn gobeithio sicrhau buddugoliaeth yn erbyn y Gweilch heno (dydd Gwener, Ebrill 13), yn dilyn eu llwyddiant yn erbyn Caeredin y penwythnos diwethaf.

Mae Ulster ar hyn o bryd wyth pwynt y tu ôl i Gaeredin yn nhabl B ym Mhencampwriaeth y Pro14, gydag Ulster yn y bedwaredd safle ar 51 o bwyntiau, a Chaeredin yn drydydd gyda 59.

Yn nhabl 1 wedyn, mae’r Gweilch yn bumed gyda 40 o bwyntiau, a hynny y tu ôl i’r Gleision sydd ar 48.

Newidiadau

 Mae’r ddau glwb wedi newid eu carfannau ar gyfer y gêm heno, a fydd yn cael ei chynnal yn stadiwm Kingspan ym Melfast.

O ran y Gweilch, fe fydd y capten Alun Wyn Jones yn symud o safle’r clo i’r blaenasgellwr, tra bo Owen Watkin yn symud i’r canol, Adam Beard i’r clo, a  Guy Mercer i’r fainc.

Mae Ulster wedyn wedi gwneud pedwar newid, gyda Callum Black a Rosse Kane yn symud i’r rheng flaen, tra bo’r clo Kieran Treadwell a’r cefnwr Sean Reidy yn dychwelyd.

“Her”

 Yn ôl hyfforddwr dros dro y Gweilch, Allan Clarke, mae heno’n gêm bwysig i’r “ddau dîm”.

“Mae’n mynd i fod yn anodd,” meddai, “fe fydd yna dorf frwdfrydig yno fel sydd arfer bod, ac rydym yn parchu’r her sydd o’n blaenau.”

Y Gweilch

 Y tîm:

Dan Evans, Jeff Hassler, Kieron Fonotia, Owen Watkin, Hanno Dirksen, Dan Biggar, Tom Habberfield, Nicky Smith, Scott Otten, Dimitri Arhip, Bradley Davies, Adam Beard, Alun Wyn Jones (Capten), Sam Cross, James King.

Ar y fainc:

Ifan Phillips, Rhodri Phillips, Rhodri Jones, Ma’afu Fia, Lloyd Ashley, Guy Mercer, Mathew Aubrey, Sam Davies, James Hook.

Ulster

 Y tîm:

Charles Piutau, Louis Ludik, Darren Cave, Stuart McCloskey, Jacob Stockdale, Johnny McPhillips, John Cooney. Callum Black, Rory Best (Capten), Ross Kane, Kieran Treadwell, Iain Henderson, Mathew Rea, Jean Deysel, Sean Reidy

Ar y fainc:

Rob Herring, Andrew Warwick, Tom O’Toole, Alan O’Connor, Nick Timoney, David Sanahan, Luke Marshall, Tommy Bowe

Mi fydd y gêm yn cychwyn toc wedi 7:30 yr hwyr, ac yn cael ei darlledu ar BBC 2.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd