Siom i ferched Cymru – ond gêm dda i chwaraewraig newydd

Diweddarwyd am  
Y stadiwm yn llawn, a'r chwaraewyr ar y maes

Stadiwm Principality

Llun: David Roberts CC2.0 trwy Comin Wicimedia

Colli o 22-15 oedd hanes tîm rygbi merched Cymru yn erbyn yr Eidal yn Stadiwm Principality heddiw, ond mae chwaraewraig newydd wedi dod i’r amlwg ar y llwyfan rhyngwladol.

Daeth y ganolwraig Alecs Donovan o Abertawe oddi ar y fainc ganol yr ail hanner yn lle Elinor Snowsill, a chreu argraff bron yn syth gyda’i rhediad cryf o ganol y cae wrth iddi lwyddo i osgoi sawl gwrthwynebydd.

Cyn y gêm, derbyniodd hi ei chap gan gapten dynion Cymru, Sam Warburton.

Roedd Cymru dan bwysau sylweddol am gyfnodau o’r gêm wrth i Mel Clay ac Alisha Butchers weld cerdyn melyn yr un.

Sgoriodd Isabella Locatelli gais ar ôl deg munud i roi’r Eidalwyr ar y blaen, a Michela Sillari yn trosi i’w gwneud hi’n 7-0.

Ond tarodd Cymru’n ôl gyda chic gosb gan Robyn Wilkins cyn i Butchers groesi am gais.

Ond tro’r Eidal oedd hi i sgorio nesa’ wrth i Maria Magatti groesi am gais cyn yr egwyl i roi’r ymwelwyr ar y blaen o 12-8.

Ymestyn eu mantais wnaeth yr Eidal ar ddechrau’r ail hanner wrth i Beatrice Rigoni groesi am gais i roi ei thîm ar y blaen o naw pwynt.

Sgoriodd Sioned Harries gais cyn i Robyn Wilkins gicio’r trosiad a chael a chael oedd hi am gyfnod cyn i Sillari groesi am gais yn yr eiliadau olaf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd