Dreigiau allan o Ewrop

Diweddarwyd am  

Bordeaux-Begles 36–28 Dreigiau

Mae’r Dreigiau allan o Gwpan Her Ewrop ar ôl colli eu gêm grŵp 1 yn erbyn Bordeaux-Begles yn y Stade Jacques Chaban-Delmas nos Sadwrn.

Roedd y Cymry ar y blaen ar yr egwyl ond croesodd y tîm cartef am bedwar cais yn yr ail hanner wrth ennill yn gymharol gyfforddus yn y diwedd.

Cic gosb yr un gan Mathieu Jailbert a Dorian Jones a oedd unig bwyntiau’r ugain munud cyntaf ond fe boethodd pethau yn yr ail chwarter.

Sgoriodd James Benjamin gais i’r ymwelwyr o Gymru cyn i Jones ychwanegu’r trosiad a dwy gic gosb.

Y Ffrancwyr a gafodd air olaf yr hanner serch hynny gyda chais Jailbert yn cau’r bwlch i wyth pwynt, 8-16 y sgôr wrth droi.

Roedd y bwlch i lawr i bwynt yn gynnar yn yr ail hanner diolch i gais Blair Connor a throsiad Jailbert.

Aeth y gêm o afael y Dreigiau yn fuan wedi hynny wrth i’r Ffrancwyr groesi am dri chais mewn chwarter awr, un i Fa’asiu Fuatai a dau i Geoffrey Cros.

Roedd cais cysur i Carl Meyer ond rhy ychydig rhy hwyr oedd hynny i’r Dreigiau. Mae’r canlyniad yn eu gadael yn drydydd yn eu grŵp gyda dim ond gêm yn weddill ac mae hi bellach yn amhosib iddynt gyrraedd wyth olaf y gystadleuaeth.

.

Bordeaux-Begles

Ceisiau: Mathieu Jalibert 36’, Blair Connor 47’, Fa’asiu Fuatai 56’, Geoffrey Cros 61’, 70’

Trosiadau: Mathieu Jailbert 47’, 56’, 61’, 70’

Cic Gosb: Mathieu Jalibert 8’

.

Dreigiau

Ceisiau: James Benjamin 23’, Serel Pretorius 52’, Carl Meyer 80’

Trosiadau: Dorian Jones 23’, 52’

Ciciau Cosb: Dorian Jones 18’, 31’, 35’

Cerdyn Melyn: Angus O’Brien 15’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd