Drama hwyr ar Barc y Scarlets

Diweddarwyd am  

Scarlets 12–9 Gweilch

Sgoriodd y Scarlets gais hwyr i sicrhau buddugoliaeth ddramatig yn y gêm ddarbi yn erbyn y Gweilch yn y Guinness Pro14 ar Ŵyl San Steffan.

Chwaraeodd y tîm cartref dros hanner y gêm gyda phedwar dyn ar ddeg ar Barc y Scarlets cyn cipio’r fuddugoliaeth gyda chais Josh Macleod yn yr eiliadau olaf.

Y Scarlets a ddechreuodd orau mewn amodau anodd yn Llanelli ond methodd Leigh Halfpenny gyda thri chynnig cynnar at y pyst wrth iddi aros yn ddi sgôr yn y chwarter awr agoriadol.

Fe ddaeth y cais agoriadol yn fuan wedyn serch hynny wrth i Steff Evans guro Ben John yn rhwydd cyn tirio.

Roedd yr un ddau chwaraewr yn ei chanol hi eto toc cyn yr egwyl yn brwydro am bêl uchel, John a gyrhaeddodd gyntaf a chafodd Evans ei anfon oddi ar y cae gyda cherdyn coch am chwarae peryglus.

Ciciodd Sam Davies gic gosb i’r Gweilch a dau bwynt a oedd ynddi wrth droi, 5-3 y sgôr o blaid y Scarlets.

Llwyddodd Davies gyda’i ail gic gosb ddeg munud wedi’r ail gychwyn ac roedd yr ymwelwyr ar y blaen am y tro cyntaf.

Ychwanegodd maswr y Gweilch dri phwynt arall ar yr awr ac roedd hi’n ymddangos fod yr ymwelwyr wedi gwneud digon i ennill y gêm.

Ond wnaeth pedwar dyn ar ddeg Bois y Sosban ddim rhoi’r ffidl yn y to a gyda’r cloc yn goch at ddiwedd y gêm, fe groesodd Macleod yn y gornel wedi cic letraws Scott Williams.

Ychwanegodd Halfpenny’r trosiad, 12-9 y sgôr terfynol.

.

Scarlets

Ceisiau: Steff Evans 18’, Josh Macleod 80’

Trosiadau: Leigh Halfpenny 80’

Cerdyn Coch: Steff Evans 37’

.

Gleision

Ciciau Cosb: Sam Davies 38’, 51’, 62’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd