Scott Williams ar ei ffordd o’r Scarlets at y Gweilch

 

Scott Williams

Llun: Charlie from UK CC 2.0 trwy Commons Wikimedia

Fe fydd Scott Williams yn symud o’r Scarlets at y Gweilch ar ddiwedd y tymor rygbi hwn.

Mae’r canolwr 27 oed, sydd wedi chwarae dros Gymru 50 o weithiau, wedi llofnodi cytundeb tair blynedd.

Fe fydd canolwr y Gweilch, Kieron Fonotia yn symud i’r cyfeiriad arall y tymor nesaf.

Dywedodd Scott Williams mewn datganiad nad oedd yn “benderfyniad hawdd” i’w wneud, ond ei fod yn benderfyniad cywir “ar yr adeg yma yn fy nghyrfa”.

Dywedodd prif hyfforddwr y Gweilch, Steve Tandy fod “Scott yn chwaraewr o safon sydd wedi llwyddo’n gyson ar lefel ucha’r gêm ac a fyddai’n ychwanegiad i’w groesawu at unrhyw garfan”.

Ychwanegodd y byddai’r newyddion “yn cyffroi’r cefnogwyr”.

Gyrfa

Chwaraeodd Scott Williams ei gêm gyntaf i’r Scarlets yn 2010 cyn ennill ei gap cyntaf y flwyddyn ganlynol, ac mae e wedi chwarae yng Nghwpan y Byd ddwywaith.

Dywedodd rheolwr cyffredinol y Scarlets, Jon Daniels fod trafodaethau ers peth amser i’w gadw ar Barc y Scarlets.

“Weithiau, er gwaethaf ymdrechion pawb, mae chwaraewr yn penderfynu y dylai pennod nesaf ei yrfa fod gyda chlwb arall.”

Diolchodd i Scott Williams am ei wasanaeth “yn chwaraewr, ond hefyd yn is-gapten ac yn gapten, gan arwain y clwb â balchder”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd