Cymru v De Affrica: disgwyl i Hadleigh Parkes chwarae

 

Mae disgwyl i ganolwr y Scarlets, Hadleigh Parkes gael ei enwi yn nhîm rygbi Cymru ar gyfer y gêm yn erbyn De Affrica ar ôl cymhwyso’n swyddogol.

Fe fu’n byw yng Nghymru ers tair blynedd.

Ac fe allai fod yn bartner yng nghanol y cae i Scott Williams neu Owen Watkin.

Fydd Owen Williams na Jamie Roberts ddim ar gael ar ôl dychwelyd i’w clybiau yn Lloegr gan fod y gêm y tu allan i’r ffenest ryngwladol.

A fydd y maswr Rhys Priestland na’r prop Tomas Francis ddim ar gael am yr un rheswm.

Ond mae gan Taulupe Faletau, sy’n chwarae i Gaerfaddon, gymal yn ei gytundeb sy’n ei eithrio o’r rheolau er y gallai’r clwb wynebu dirwy gan Undeb Rygbi Lloegr (RFU).

“Ychwanegiad gwych”

Yn ôl is-hyfforddwr Cymru, Neil Jenkins, mae Hadleigh Parkes yn “ychwanegiad gwych” i’r garfan.

“Mae ganddo fe nifer o gryfderau. Mae’n cario’n dda ac yn dda iawn yn amddiffynol.”

Ychwanegodd fod ganddo fe “gynildeb” yn ei chwarae, a’i fod yn gallu chwarae yng nghrys rhif 12 neu 13.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd