Dreigiau 29–13 Southern Kings
Cafodd y Dreigiau fuddugoliaeth bwynt bonws wrth i’r Southern Kings o Dde Affrica ymweld â Rodney Parade yn y Guinness Pro14 nos Sadwrn.
Doedd hi ddim mo’r grasfa yr oedd rhai yn ei darogan ond roedd hi’n fuddugoliaeth gyfforddus i’r Dreigiau yn erbyn tîm gwanaf y gystadleuaeth.
Hanner Cyntaf
Y Southern Kings a gafodd bwyntiau cyntaf y gêm diolch i gic gosb gynnar Pieter Steyn de Wet, ond y Dreigiau a gafodd y cais cyntaf wrth i Hallam Amos groesi wedi chwe munud yn dilyn trafod da yn y glaw.
Ychwanegodd Gavin Henson y trosiad cyn cyfnewid cic gosb yr un gyda Steyn de Wet a phedwar pwynt yn unig oedd ynddi hanner ffordd trwy’r hanner.
Y tîm cartref a orffennodd yr hanner gryfaf serch hynny gyda cais yr un i Elliot Dee ac Amos yn rhoi mantais iach iddynt ar yr egwyl.
Ail Hanner
Roedd y pwynt bonws yn ddiogel wedi dau funud o’r ail hanner diolch i ail gais Dee a phedwerydd ei dîm, cais a ddeilliodd, fel y cyntaf, o sgarmes symudol.
Tynodd y Dreigiau y droed oddi ar y sbardun wedi hynny yn erbyn gwrthwynebwyr gwan a chawsant eu cosbi toc cyn yr awr wrth i Andisa Ntsila dirio cais cyntaf y gwŷr o Dde Affrica.
Cafwyd cyfres o gardiau melyn yn y munudau olaf wrth i’r dyfarnwr golli amynedd gyda’r sgrymio gwallus ond roedd y gêm ar ben ym mhell cyn hynny.
Mae’r canlyniad yn codi’r Dreigiau i’r pumed safle yng Nghyngres B y Pro14 gan adael y Kings ar y gwaelod.
.
Dreigiau
Ceisiau: Hallam Amos 6’, 37’, Elliot Dee 33’, 42’
Trosiadau: Gavin Henson 7’, 39’, 44’
Cic Gosb: Gavin Henson 16’
Cardiau Melyn: Leon Brown 68’, Joe Davies 75’
.
Southern Kings
Cais: Andisa Ntsila 57’
Trosiad: Pieter Steyn de Wet 58’
Ciciau Cosb: Pieter Steyn de Wet 4’, 21’
Cerdyn Melyn: Entienne Swanepoel 75’