RSS

Golwg360

MwyCau 

Y Llewod a’r Crysau Duon yn gyfartal

Gorffennaf 8, 2017 10:47


Sam Warburton (Llun: Youtube Undeb Rygbi Cymru)
Mae prawf olaf y Llewod yn erbyn Seland Newydd ar Barc Eden yn Auckland wedi gorffen yn gyfartal 15-15 – a’r gyfres wedi gorffen yn gyfartal 1-1.

Mae’r canlyniad yn golygu mai tîm y Llewod yn 1971 yw’r tîm diwethaf o hyd i guro’r Crysau Duon mewn cyfres.

Ciciodd Owen Farrell gic gosb hir a hwyr i sicrhau’r gêm gyfartal gydag ychydig funudau o’r gêm yn weddill.

Roedd y Crysau Duon ar y blaen o 12-6 ar yr hanner ar ôl ceisiau gan Ngani Laumape a Jordie Barrett, ond methon nhw â sgorio nifer o geisiau eraill yn yr hanner cyntaf.

Ond daeth y Llewod yn gyfartal 12-12 ar ôl ciciau cosb gan Owen Farrell ac Elliot Daly i sicrhau ugain munud olaf cyffrous.

Mae’r canlyniad yn golygu nad yw Seland Newydd wedi colli ar Barc Eden ers 1994.

‘Anodd’

Ar ddiwedd y gêm, dywedodd y capten Sam Warburton: “Mae’n anodd. Pan y’ch chi’n mynd drwy’r holl emosiwn, y pwrpas yw ennill.

“Mae’n well na cholli, am wn i. O ddod yma a pheidio â cholli, gallwn ni gael clod am hynny.

“Gallwn ni gymryd ambell beth positif allan o’r gyfres gyfartal. Roedd ein disgyblaeth yn well yr wythnos hon.

“Roedd hi’n gêm wych i gael chwarae ynddi.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.