Gwahardd Sonny Bill Williams am hyrddio asgellwr y Llewod

 


Mae canolwr tîm rygbi Seland Newydd, Sonny Bill Williams wedi’i wahardd ar gyfer y prawf tyngedfennol yn erbyn y Llewod yn Auckland ddydd Sadwrn nesaf.

Cafodd ei anfon o’r cae ddoe am hyrddio asgellwr y Llewod, Anthony Watson yn ei ben ar ôl 25 munud yn unig o’r gêm.

Fe yw’r chwaraewr cyntaf o Seland Newydd i’w anfon o’r cae ers 50 o flynyddoedd, a’r cyntaf erioed ar dir Seland Newydd. Dim ond tri o’r Crysau Duon yn eu holl hanes sydd wedi gweld y cerdyn coch.

Cafodd ei wahardd am bedair wythnos gan banel disgyblu yn Wellington heddiw, ac mae Malakai Fekitoa wedi’i alw i’r garfan yn ei le.

Pe bai’r Llewod yn ennill yn Auckland, byddan nhw’n curo Seland Newydd mewn cyfres am y tro cyntaf ers 1971.

Dywedodd Sonny Bill Williams ei fod e’n “siomedig” gyda’r dyfarniad, ac nad oedd y weithred yn fwriadol. Cadarnhaodd ei fod e wedi ymddiheuro wrth Anthony Watson.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd