“Byddai’r Llewod yn gryfach gyda Sam Warburton”

 


Sam Warburton
Byddai’r Llewod yn gryfach yn ardal y dacl pe bai Sam Warburton yn cael ei ddewis yn safle’r blaenasgellwr ar gyfer yr ail brawf, yn ôl blaenasgellwr Seland Newydd, Jerome Kaino.

Er ei fod e’n gapten ar y garfan, roedd y Cymro ar y fainc ar gyfer y prawf cyntaf yn Auckland yr wythnos ddiwethaf, pan enillodd y Crysau Duon o 30-15.

Ond mae disgwyl iddo fe gael ei enwi ymhlith y pymtheg fydd yn dechrau’r ail brawf yn Wellington ddydd Sadwrn, gyda’r Llewod yn gorfod ennill er mwyn osgoi colli’r gyfres yn y ddwy gêm gyntaf.

Pe bai e’n cael ei ddewis, fe allai olygu mai’r Gwyddel a chapten y tîm ddydd Sadwrn diwethaf, Peter O’Mahony fydd yn colli ei le.

Dywedodd Jerome Kaino fod Sam Warburton yn “arweinydd gwych” ac na fyddai’r Llewod yn “colli unrhyw beth drwy gael Sam i mewn”.

“R’yn ni’n disgwyl llawer mwy o ddwyster yn ardal y dacl os ydyn nhw’n dod â Sam i mewn. Os rhywbeth, maen nhw’n cryfhau drwy ei gael e i mewn.”

Dim ond ddwywaith – yn 1899 a 1989 – y mae’r Llewod wedi ennill cyfres ar ôl colli’r prawf cyntaf, a dydyn nhw ddim wedi ennill gêm brawf yn Seland Newydd ers 24 o flynyddoedd.

Daeth eu buddugoliaeth gyfres ddiwethaf dros Seland Newydd yn 1971.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd