RSS

Golwg360

MwyCau 

Gogs yn canmol buddugoliaeth ‘hanesyddol’

Ebrill 17, 2017 11:00 Diweddarwyd am 22:45


Y dathlu ddoe (o wefan RGC 1404)
Mae rhai o chwaraewyr Rygbi Gogledd Cymru wedi bod yn siarad am eu buddugoliaeth hanesyddol yn cipio Cwpan Cymru.

Dyma’r tro cynta’ i dîm o’r Gogledd ennill prif gystadleuaeth clybiau’r wlad, trwy guro Pontypridd o 15-11 yn Stadiwm Principality.

Roedd asgellwr Cymru, y gogleddwr George North, ymhlith y rhai a anfonodd neges Trydar i longyfarch y clwb.

‘Anodd crynhoi mewn geiriau’

“Mae’n anodd crynhoi’r fuddugoliaeth mewn geiriau,” meddai ail-reng RGC, Andrew Williams, wrth wefan y clwb.

Roedd y canolwr, Tom Hughes, yn canmol y cefnogwyr gan ddweud bod “y sŵn yn anhygoel” wrth redeg ar y cae.

Er fod RGC 1404 yn cael clod am eu gallu i ymosod, yr amddiffyn sy’n cael ei ganmol y tro yma am ennill y gêm a gwrthsefyll Pontypridd ar ôl mynd ar y blaen o 10-0 yn yr hanner cynta’.

Cais dadleuol a gipiodd y fuddugoliaeth yn y pen draw – Tiaan Loots a Ross Davies oedd sgorwyr ceisiadau’r Gogleddwyr.

“Fe wnaethon ni gadw ein pennau yn yr ail hanner a chadw at ein cynllun,” meddai’r asgellwr, Rhys Williams. “Doedden ni ddim am ildio modfedd yn y deng munud ola’.”

  • Dim ond yn 2008 y cyhoeddodd Undeb Rygbi Cymru eu bod yn ffurfio clwb yn y Gogledd i chwarae yn yr Uwch Gynghrair – maen nhw’n bedwerydd yn y tabl ar hyn o bryd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.