RSS

Golwg360

MwyCau 

Ken Owens yn “falch iawn” o ennill ei hanner canfed cap

Mawrth 18, 2017 12:21 Diweddarwyd am 12:32


Mae bachwr Cymru, Ken Owens wedi dweud ei fod yn “falch iawn” o gael ennill ei hanner canfed cap dros dîm rygbi Cymru wrth iddyn nhw herio Ffrainc ym Mharis heddiw (2.45pm).

Daeth cap cynta’r Cymro Cymraeg o Gaerfyrddin yn erbyn Namibia yng Nghwpan y Byd yn 2011.

Byddai buddugoliaeth y prynhawn yma’n codi Cymru i bedwerydd yn rhestr detholion y byd, a fyddai’n sicrhau eu bod nhw ymhlith y prif ddetholion ar gyfer Cwpan y Byd yn 2019.

Byddai hefyd yn garreg filltir bersonol i Ken Owens, sy’n mynd am ei chweched buddugoliaeth o’r bron yn erbyn Ffrainc.

‘Buddugoliaeth enfawr’

Dywed Ken Owens y byddai “buddugoliaeth anferth ym Mharis yn coroni’r cyfan”.

“Namibia yng Nghwpan y Byd 2011 oedd fy ngêm gyntaf, sy’n teimlo’n hir iawn yn ôl nawr.

“Dw i’n falch iawn o ennill 50 o gapiau, a gobeithio y cawn ni ganlyniad enfawr allan ym Mharis i goroni’r cyfan.

“Dw i’n eitha hapus. Mae’r chwarae gosod wedi mynd yn dda, ac mae’n braf cael dechrau gemau’n gyson. Dw i’n credu bod hynny wedi fy helpu i.”

Ken Owens v Guillaume Guirado

Capten Ffrainc, Guillaume Guirado fydd gwrthwynebydd Ken Owens yng nghanol y rheng flaen y prynhawn yma, ac fe fydd yn gyfle i barhau â gelyniaeth sydd wedi para ers eu dyddiau yn nhimau ieuenctid eu gwledydd.

“Dw i wedi chwarae dipyn yn ei erbyn e. Roedden ni’r un oedran ieuenctid ac fe chwaraeais i yn ei erbyn e gyntaf pan oedden ni’n 18 neu’n 19 oed.

“Mae e’n fachwr gwych. Dw i wedi chwarae yn ei erbyn ei ddwywaith y tymor hwn i’r Scarlets yn erbyn Toulon, ac mae e’n un o’r bachwyr gorau yn y byd ar hyn o bryd.

“Mae’n mynd i fod yn brawf enfawr. Mae e ar y brig ar hyn o bryd.”

Alun Wyn Jones

Yn y cyfamser, fe fydd y capten Alun Wyn Jones yn creu hanes drwy fod y chwarae cyntaf i ddechrau 100 o gemau dros Gymru.

Ychydig iawn o chwaraewyr sydd wedi dod yn agos at gyrraedd y garreg filltir:

Gareth Thomas (94)

Gethin Jenkins (93)

Martyn Williams (87)

Stephen Jones (86)

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.