RSS

Golwg360

MwyCau 

Dim newid yn nhîm Cymru i herio’r Gwyddelod

Mawrth 8, 2017 11:34 Diweddarwyd am 11:35


Hanner canfed cap i Justin Tipuric (Llun o wefan Undeb Rygbi Cymru)
Er iddyn nhw golli o 29-13 yn erbyn yr Alban ym Murrayfield bythefnos yn ôl, yr un pymtheg fydd yn nhîm rygbi Cymru i wynebu Iwerddon yng Nghaerdydd nos Wener.

Fe fydd y blaenasgellwr Justin Tipuric yn ennill ei hanner canfed cap dros Gymru ac yn cadw cwmni iddo fe yn y rheng ôl fydd y cyn-gapten Sam Warburton a’r wythwr Ross Moriarty.

Mae’r prif hyfforddwr dros dro, Rob Howley wedi amddiffyn ei ddewisiadau, gan ddweud ei bod hi’n “bwysig” fod yr un chwaraewyr yn cael cyfle i wneud yn iawn am y golled yn erbyn yr Alban.

“Roedden ni’n credu ei bod hi’n bwysig fod yr un grŵp o chwaraewyr yn cael y cyfle i fynd allan a pherfformio nos Wener felly r’yn ni wedi enwi’r un garfan heb newidiadau.

“Mae nos Wener yn gyfle i ni. Mae tipyn o brofiad yn ein grŵp a dydych chi ddim yn dod yn dîm gwael dros nos.”

Tîm Cymru: Leigh Halfpenny; George North, Jonathan Davies, Scott Williams, Liam Williams; Dan Biggar, Rhys Webb; Rob Evans, Ken Owens, Tomas Francis; Jake Ball, Alun Wyn Jones; Sam Warburton, Justin Tipuric, Ross Moriarty.

Eilyddion: Scott Baldwin, Nicky Smith, Samson Lee, Luke Charteris, Taulupe Faletau, Gareth Davies, Sam Davies, Jamie Roberts.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.