“Alun Wyn Jones ymhlith y goreuon” meddai Shaun Edwards

 


Alun Wyn Jones (canol) rhwng George North a Sam Warburton (Llun cyhoeddusrwydd Undeb Rygbi Cymru)
Mae capten newydd tîm rygbi Cymru, Alun Wyn Jones ymhlith chwaraewyr gorau’r gamp, yn ôl yr is-hyfforddwr cenedlaethol, Shaun Edwards.

Daeth cadarnhad ddoe mai’r chwaraewr ail reng yw capten newydd Cymru yn dilyn penderfyniad y blaenasgellwr Sam Warburton i roi’r gorau i’r gapteiniaeth.

Sam Warburton oedd capten ieuengaf erioed y tîm cenedlaethol, ac yntau’n 22 oed pan gafodd ei benodi yn 2011.

Bydd Alun Wyn Jones yn gapten ar gyfer gêm agoriadol Cymru yn erbyn yr Eidal ym Mhencampwriaeth y Chwe Gwlad ar Chwefror 5.

‘Dyn yr hoffech ei ddilyn i frwydr’

Yn ôl Shaun Edwards, mae Alun Wyn Jones yn arweinydd naturiol ac yn “ddyn yr hoffech ei ddilyn i mewn i frwydr”.

“Mae e’n un o’r ychydig chwaraewyr yn ein tîm sy’n sicr o’i le ar hyn o bryd. Mae e’n berfformiwr sy’n sefyll allan.

“Mae e’n athletwr rhagorol ac mae ganddo ymennydd rygbi gwych hefyd.

“Mae’r ffaith ei fod e’r maint yw e, a bod ganddo fe bŵer a chyflymdra, a’i fod yn chwaraewr rygbi mor ddeallus yn golygu bod ganddo fe focs cyflawn o driciau.

“Heb os, mae e’n un o’n chwaraewyr ni sydd o safon byd-eang.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd