RSS

Golwg360

MwyCau 

Liam Williams yn arwyddo i’r Saracens

Ionawr 9, 2017 11:26


Liam Williams (Llun gan y Saracens)
Mae tîm rygbi’r Saracens wedi cadarnhau bod y cefnwr Liam Williams wedi arwyddo cytundeb tair blynedd gyda nhw, i gychwyn y tymor nesaf.

Bydd y chwaraewr 25 oed yn gadael y Scarlets yn Llanelli ac yn mentro am Barc Allianz, Llundain i gymryd lle Chris Ashton.

Mae Liam Williams wedi ennill 38 cap ers chwarae tros ei wlad am y tro cyntaf yn 2012, ond nid yw’n sicr o ennill lle yn y tîm y tymor nesa’ os yw’n chwarae i glwb y tu allan i’r wlad – yn ôl rheolau Warren Gatland.

Mae cyfarwyddwr y Saracens, Mark McCall, wedi dweud bod arwyddo’r chwaraewr yn “benderfyniad gwych” i’r clwb gan ei fod yn un o’r cefnwyr gorau yn Ewrop.

Dywedodd y Scarlets eu bod wedi brwydro’n galed  i gadw Liam Williams ond nad oedden am fynd yn erbyn ei ddymuniadau.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.