RSS

Golwg360

MwyCau 

Y Gweilch yn cyhoeddi’r tîm fydd yn herio’r Dreigiau ddydd Sul

Rhagfyr 30, 2016 12:38


Mae rhes o anafiadau wedi golygu bod y Gweilch yn gorfod dibynnu ar brofiad dau o’r gynnau mawr pan fyddan nhw’n ymweld â Rodney Parade i herio Dreigiau Gwent ar Ionawr 1.

Tra bydd Paul James yn gwneud ei 210fed ymddangosiad, a Dan Biggar yn gwneud ei 196ed ymddangosiad dros y Gweilch ar Ddydd Calan, mae rhestr y chwaraewyr sydd ddim ar gael i’w dewis, yn un faith.

Mae Tyler Ardron wedi anafu’i fawd; Dmitri Arhip wedi brifo’i ysgwydd; a Bradley Davies yn diodde’ o anaf i’w ben-glin. Mae Tom Grabham yn dal i gael trafferth gyda’i goes, tra bod Jeff Hassler mewn poen gyda’i Achilles yn ei droed; a Ben John yn dal i nyrsio anaf i dop ei goes.

Dyw Dan Lydiate ddim ar gael oherwydd anaf i’w ben-glin; nac Eli Walker oherwydd anaf i’w droed. Mae Owen Watkin hefyd yn cwyno oherwydd anaf i’w ben-glin; tra bod Rhys Webb mewn trafferthion gydag anaf i’w ffêr.

“Roedd y gêm ddiwetha’ yn erbyn y Scarlets yn ddarbi go iawn,” meddai Steve Tandy, prif hyfforddwr y Gweilch, “felly roedd hi’n gêm galed a chorfforol.

“Fe allwn ni ddisgwyl mwy o gêm yn erbyn y Dreigiau ar Rodney Parade ddydd Sul,” meddai wedyn. “Mae’r Dreigiau’n dîm da, ac maen nhw bob amser yn rhoi her. Fe fydd yna dorf dda hefyd, a thipyn o awyrgylch, gobeithio.

“O’n rhan ni, fe fyddwn ni’n gwneud ein gorau i gadw’n pennau. R’yn ni’n mwynhau chwarae rygbi, ac mae’n hanfodol i ni ddal ati a chario’r holl bethau fyddwn ni wedi bod yn ei wneud ar y maes ymarfer, i’r maes yn Rodney Parade.”

Y tîm i herio’r Dreigiau

15 Sam Davies, 14 Dafydd Howells, 13 Kieron Fonotia, 12 Josh Matavesi, 11 Dan Evans, 10 Dan Biggar, 9 Tom Habberfield, 8 James King, 7 Justin Tipuric, 6 Olly Cracknell, 5 Alun Wyn Jones (c), 4 Lloyd Ashley, 3 Ma’afu Fia, 2 Scott Baldwin, 1 Paul James.

Ar y fainc: 16 Sam Parry, 17 Nicky Smith, 18 Rhodri Jones, 19 Rory Thornton, 20 Dan Baker, 21 Sam Underhill, 22 Brendon Leonard, 23 Hanno Dirksen.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.