Calvisano 9–50 Gleision
Cafodd y Gleision ddechrau da i’w hymgyrch yng Nghwpan Her Ewrop gyda buddugoliaeth swmpus dros Calvisano yn y Centro Sportivo San Michele brynhawn Sadwrn.
Croesodd y Cymry am saith i gyd mewn buddugoliaeth gyfforddus, er y bu rhaid aros tan yr ail hanner am bump ohonynt.
Er i Lloyd Williams a Tom James groesi am gais yr un yn y deugain munud agoriadol, roedd yr Eidalwyr yn y gêm o hyd diolch i ddwy gic gosb Filippo Buscema, 6-15 y sgôr ar hanner amser.
Aeth y Gleision a’r gêm o afael Calvisano yn gynnar yn yr ail gyfnod gan sicrhau’r pwynt bonws yn y deg munud cyntaf diolch i geisiau Ellis Jenkins a Dan Fish.
Cwblhaodd Blaine Scully, Jarrod Evans a chais cosb y sgorio wrth i’r rhanbarth o Gymru gyrraedd hanner can pwynt mewn buddugoliaeth swmpus yng ngrŵp 3, grŵp sy’n cynnwys Harlequins a Montpellier hefyd.
.
Calvisano
Ciciau Cosb: Filippo Buscema 6’, 39’, 53’
.
Gleision
Ceisiau: Lloyd Williams 16’, Tom James 24’, Jenkins 44’, Dan Fish 48’, Blaine Scully 53’, Jarrod Evans 72’, Cais Cosb 79’
Trosiadau: Rhys Patchell 25’, 45’, 49’, 53’, Jarrod Evans 73’, 79’
Cic Gosb: Rhys Patchell 40’
