Cerdyn melyn i Rabbi Matondo wrth i’r Bundesliga ddychwelyd

 

Rabbi Matondo

Llun: Cymdiethas Bêl-droed Cymru

Cafodd y Cymro Rabbi Matondo brynhawn digon siomedig wrth i gemau pêl-droed gael eu cynnal unwaith eto yn y Bundesliga, prif gynghrair yr Almaen ddoe (dydd Sadwrn, Mai 16).

Cafodd e gerdyn melyn yn y gêm gyntaf – yn erbyn Borussia Dortmund – ers llacio cyfyngiadau’r coronafeirws yn yr Almaen.

Collodd tîm Schalke o 4-0 oddi cartref wrth i dimau’r Almaen orfod dychwelyd i gaeau heb dorfeydd ar gyfer cam cynta’r adferiad ar ôl y feirws.

Ar y fainc y dechreuodd Rabbi Matondo, ond fe gafodd ei gyfle yn yr ail hanner wrth ddod i’r cae yn lle Benito Raman ar yr egwyl.

Roedd ymosod Schalke wedi bod heb arf finiog yn yr hanner cyntaf, ond prin y cafodd y Cymro gyfle i serennu yn yr ail chwaith.

Cafodd e ambell gyfle, ond prynhawn digon rhwystredig gafodd ei dîm wrth orfod ymdopi ag ymosod Dortmund.

Penllanw rhwystredigaeth y Cymro oedd y cerdyn melyn gafodd e am dacl hwyr ar Achraf Hakimi.

Roedd disgwyl i Gymro arall, Ethan Ampadu, chwarae i Leipzig yn erbyn Freiburg, ond doedd dim modd iddo fe ymddangos oherwydd anaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn