Gareth Bale ‘yn dal yn allweddol i Gymru’

 

Ryan Giggs

Llun: Дмитрий Голубович (soccer.ru) CC SA 3.0 trwy Gomin Wicimedia

Mae rheolwr Cymru Ryan Giggs yn hyderus y bydd Gareth Bale yn parhau i wneud cyfraniad enfawr i garfan Cymru er nad yw’n cael chwarae yn aml i Real Madrid.

Dyw’r asgellwr ddim ond wedi dechrau 11 o 26 gêm y Los Blancos yn y gynghrair y tymor hwn gan arwain rhai i amau a fydd o’n rhydlyd erbyn Ewro 2020.

Ond does gan Ryan Giggs ddim amheuaeth pa mor bwysig yw Gareth Bale i’w dîm.

“Mae o’n wych ar y cae ac oddi ar y cae, mae o wrth ei fodd yn mynd i ffwrdd gyda’i ffrindiau â Chymru a wastad yn teimlo gartref pan mae’n troi fyny am gemau rhyngwladol,” meddai Ryan Giggs.

Hal Robson-Kanu

Dyw Ryan Giggs ddim wedi diystyru Hal Robson-Kanu’n dychwelyd i’r garfan.

Mae’r blaenwr wedi sgorio 10 gôl mewn 20 gêm i West Brom yn y Bencampwriaeth y tymor hwn.

Gwnaeth Hal Robson-Kanu ymddeol yn haf 2018 ond aeth yn ôl ar y penderfyniad hwnnw yn gynharach eleni.

“Mae pawb dal yn bosibilrwydd,” meddai Ryan Giggs.

Cynghrair y Cenhedloedd

Mae Ryan Giggs wedi bod yn Amsterdam i ddarganfod pwy fydd Cymru’n wynebu yng Nghynghrair y Cenhedloedd 2020-21.

Bydd Cymru’n herio Gweriniaeth Iwerddon, y Ffindir a Bwlgaria yn ystod yr hydref.

“Sypreis sypreis rydan ni’n wynebu’r Weriniaeth eto,” meddai Ryan Giggs.

“Rydan ni wedi chwarae yn eu herbyn lot yn ddiweddar ac maen nhw’n dîm sy’n rhaid eu parchu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn