Y Seintiau’n disgyn o frig y tabl

Diweddarwyd  

Y Bala 1–1 Y Seintiau Newydd                                                      

Disgynodd y Seintiau Newydd o frig tabl y Cymru Premier yn dilyn gêm gyfartal yn erbyn y Bala ar Faes Tegid nos Wener.

Dechreuodd y deiliaid y noson ar y brig, a’r Bala yn drydydd, ond agorodd y gêm gyfartal gôl yr un y drws i Gei Connah symud i’r safle uchaf.

Cafodd y Bala’r dechrau gorau posib wrth i Aeron Edward benio i’w rwyd ei hun o gic rydd Henry Jones.

Ond yr ymwelwyr a reolodd wedi hynny a chafodd Edwards gyfle da i unioni pethau gyda pheniad yn y pen iawn ychydig funudau cyn yr egwyl.

Llwyddodd y tîm cartref i aros ar y blaen tan yr egwyl ond cynyddu a wnaeth y pwysau arnynt ar ddechrau’r ail hanner.

Ac roedd y Seintiau’n gyfartal ar yr awr, Ryan Brobbel yn rhwydo cic o’r smotyn ddadleuol wedi i ergyd Chris Marriott daro llaw Oliver Shannon yn y cwrt cosbi.

Roedd cyfleoedd i’r ddau dîm wedi hynny; peniodd Adrian Cieslewicz yn erbyn y postyn cyn i Brobbel daro’r bêl dros y trawst i’r Seintiau a gorfododd Kieran Smith arbediad gan Paul Harriosn yn y pen arall.

Ond aros yn gyfartal a wnaeth hi wrth i’r ddau dîm orfod bodloni ar gôl yr un a phwynt yr un.

Mae’r canlyniad yn cadw’r Bala’n drydydd ond mae’r Seintiau’n ildio’u lle ar y brig i Gei Connah a gafodd fuddugoliaeth gartref gyfforddus o bedair gôl i ddim yn erbyn Caernarfon.

Mae’r Seintiau’n teithio i Lannau Dyfrdwy yr wythnos nesaf wrth i’r frwydr am y gynghrair boethi.

.

Y Bala

Tîm: Tibbetts, Burns, S. Smith, Stephens, Burke, Jones (Molyneux 71’), K. Smith, Leslie, Mendes, Shannon, Venables

Gôl: Edwards [g.e.h.] 5’

Cardiau Melyn: Shannon 26’, Burke 76’

.

Y Seintiau Newydd

Tîm: Harrison, Spender, Marriott, Davies, Ebbe (Draper 67’), Brobbel, Redmond, Cieslewicz (Byrne 85’), Mullan, Edwards, Holland

Gôl: Brobbel [c.o.s.] 59’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn