Pwynt yn Birmingham yn siomi rheolwr Caerdydd

 
Caerdydd

Bathodyn Clwb Pêl-droed Caerdydd

Llun: Logo’r clwb

Mae Neil Harris, rheolwr tîm pêl-droed Caerdydd, yn dweud ei fod e wedi siomi nad oedd ei dîm wedi curo Birmingham oddi cartref ddoe (dydd Sadwrn, Ionawr 18).

Aeth y tîm cartref ar y blaen yn gynnar yn y gêm yn St. Andrew’s trwy Jude Bellingham o chwarae gosod, ond tarodd yr Adar Gleision yn ôl ar ôl 62 munud wrth i Lee Tomlin unioni’r sgôr gyda’i ben.

“Roedden ni’n siomedig nad oedden ni wedi gallu ei hennill hi,” meddai Neil Harris.

“Roedden ni’n wael yn yr hanner cyntaf, ond fe wnaeth Alex Smithies sawl arbediad da iawn i’n cadw ni yn y gêm fel ein bod ni wedi mynd i mewn ar ei hôl hi o 1-0 ar ddiwedd yr hanner cyntaf.

“Fe wnes i ddweud wrth y tîm hanner amser fod y gôl wedi dod o chwarae gosod a’n marcio gwael ni er nad oedden ni wedi chwarae cystal ag yr oedden ni eisiau.”

Perfformiadau oddi cartref

Mae Caerdydd wedi ildio 31 gôl oddi cartref y tymor hwn.

Yn ôl Neil Harris, mae’n anodd ennill gemau yn y Bencampwriaeth ar ôl ildio’r gôl gyntaf.

“Mae cadw llechen lân yn hanfodol.

“Mae’n gwneud i chi gredu y gallwch chi fynd yn eich blaenau i gipio’r gôl fuddugol.

“Rydyn ni eisiau dechrau gemau’n well a gwella’n rheolaeth ni ar y gêm.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn