Y golwr Kristoffer Nordfeldt yn gadael Abertawe

Diweddarwyd  
Stadiwm Liberty

Stadiwm Liberty

Llun: Christopher Elkins CC 2.0 trwy Wikimedia Commons

Mae’r golwr Kristoffer Nordfeldt wedi gadael Clwb Pêl-droed Abertawe ar drosglwyddiad rhad ac am ddim.

Mae’n ymuno â chlwb Genclerbirligi ym mhrif adran Twrci ychydig fisoedd cyn i’w gytundeb ddirwyn i ben yn yr haf.

Mae’n cwblhau’r trosglwyddiad ar ôl pasio prawf meddygol.

Mae disgwyl iddo gael ei gynnwys yn y garfan i herio Rizespor ddydd Llun nesaf (Ionawr 20).

Chwaraeodd e mewn 47 o gemau i’r Elyrch dros gyfnod  o bedair blynedd a hanner, ar ôl symud o glwb Heerenveen yn yr Iseldiroedd.

Mae e wedi chwarae mewn pedair gêm gwpan y tymor hwn, ond prin fu ei gyfleoedd ar ôl i Freddie Woodman ymuno â’r clwb ar fenthyg o Newcastle.

Treuliodd e gyfnodau y tymor diwethaf yn brwydro ag Erwin Mulder am le yn y gôl.

Conor Gallagher

Yn y cyfamser, mae’r Elyrch yn awyddus i ddenu’r chwaraewr canol cae 19 oed, Conor Gallagher i Stadiwm Liberty. 

Treuliodd e hanner cynta’r tymor ar fenthyg yn Charlton, gan sgorio chwe gôl mewn 26 o gemau.

Mae’n un arall o dîm dan 17 oed Lloegr a gododd Gwpan y Byd o dan reolaeth Steve Cooper, rheolwr Abertawe. 

Mae dau aelod arall o’r garfan honno, Rhian Brewster a Marc Guehi eisoes wedi ymuno â’r Elyrch ers i’r ffenest drosglwyddo agor ddechrau’r mis.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd