Ymateb cymysg gan reolwr Caerdydd i gêm ddi-sgôr

 
Neil Harris, rheolwr Caerdydd

Neil Harris, rheolwr tîm pêl-droed Caerdydd

Llun: Clwb Pêl-droed Caerdydd

Ymateb digon cymysg sydd gan Neil Harris yn dilyn gêm ddi-sgôr Caerdydd yn erbyn Preston yn Stadiwm Dinas Caerdydd ddoe (dydd Sadwrn, Rhagfyr 21).

Mae’r canlyniad yn golygu bod yr Adar Gleision ddeuddegfed, gyda 33 o bwyntiau, yr un nifer â Hull a Millwall sydd y naill ochr iddyn nhw.

“Mewn ffordd, dw i’n falch oherwydd wnaethon ni gael llechen lân ac roedden ni’n edrych yn eitha’ dibynadwy,” meddai.

“Fe gawson ni ambell gyfle wrth wrthymosod yn erbyn y symudiadau wnaeth Preston eu creu, ond dw i’n credu ein bod ni wedi ymdopi â nhw a’u cryfderau’n eitha’ da ar y cyfan.

“Roedd gyda ni ddiffyg creadigrwydd, wnaethon ni ddim creu cyfleoedd – ddim yn agos at y nifer ry’n ni wedi’u gwneud o’r blaen, a dim cyfleodd da fel y gwnaethon ni mewn gemau’n ddiweddar.

“Alla i ddim beirniadu ymdrech y chwaraewyr wrth geisio cyflawni’r hyn roedden ni eisiau iddyn nhw ei wneud.

“Ry’n ni’n dal i gael pethau’n anghywir ond dw i’n mynd i fod yn amyneddgar â nhw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn