Sioc ar Barc Waun Dew

Diweddarwyd  

Caerfyrddin 0–4 Rhydaman                                                            

Roedd sioc yn nhrydedd rownd Cwpan Cymru JD nos Wener wrth i Rydaman deithio i Barc Waun Dew a rhoi crasfa i Gaerfyrddin.

Sgoriodd yr ifanc, Gavin Jones, a’r profiadol, Lee Trundle, ddwy gôl yr un wrth i’r tîm o gynghrair Cymru’r De drechu eu gwrthwynebwyr o’r Cymru Premier.

Wedi chwarter cyntaf digon cyfartal, dechreuodd Rhydaman greu mwy o gyfleoedd yn ail hanner yr hanner cyntaf.

Creodd Trundle un iddo’i hun gyda throad nodweddiadaol yn y cwrt cosbi ond cafodd ei ergyd isel ar draws y gôl ei harbed yn dda gan Lee Idzi.

Daeth gôl i’r ymwelwyr ddau funud cyn yr egwyl, pas dreiddgar Matthew Fisher yn rhyddhau Gavin Jones a’r ymosodwr bach yn gorffen yn daclus.

Caerfyrddin a ddechreuodd orau wedi’r egwyl ond dyblodd Rhydaman eu mantais wedi deg munud gyda gôl unigol wych gan Jones, y gwibiwr yn rhwydo’i ail o’r noson gyda tharan o ergyd ar ôl curo dau amddiffynnwr yn rhwydd.

Cafodd Caerfyrddin gyfnod da wedi hynny hefyd ond roedd y gêm allan o’u gafael wedi i Trundle rwydo trydedd yr ymwelwyr chwarter awr o’r diwedd, yn curo Idzi gyda blaen-troedar hen ffasiwn.

Os oedd ail gôl Jones y un dda, roedd ail Trundle yn hyd yn oed gwell. Rhwbiodd y gŵr 43 mlwydd oed yr halen ym mriwiau Caerfyrddin dri munud o’r diwedd, yn rheoli pêl hir ar ei fron cyn troi ei ddyn yn grefftus a chrymanu ergyd berffaith i gornel isaf y rhwyd.

.

Caerfyrddin

Tîm: Idzi, Knott, Vincent (Bull 78’), Surman, Carroll, Walters, Bowen, Harling (Woodford 25’), Jones, Morgan, Thomas

Cerdyn Melyn: Surman 81’

.

Rhydaman

Tîm: Morris, M. Jones, Lewis (Glendon 77’), Griffiths, Rh. Fisher, Soal, M. Fisher, Enoch, Frater (Jenkins 72’), Trundle. G. Jones (Arnold 83’)

Gôl: G. Jones 44’, 55’, Trundle 75’, 87’

Cerdyn Melyn: Trundle 49’

.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd