Zidane ddim am atal Gareth Bale rhag chwarae golff

 

Mae rheolwr Real Madrid Zinedine Zidane wedi dweud nad yw’n bwriadu rhwystro Gareth Bale rhag chwarae golff.

Ni fydd y Cymro yn chwarae mewn gêm gartref yn erbyn Espanyol ddydd Sadwrn (Rhagfyr 7) oherwydd anaf.

Mae Gareth Bale wedi cyfaddef ei fod yn angerddol am chwarae golff, ac mae ei gyd chwaraewyr ym Madrid bellach yn cyfeirio ato fel “Y Golffiwr”.

Mae rheolwr Cymru Ryan Giggs wedi dweud na fydd Cymru yn caniatáu iddo chwarae golff yn ystod Ewro 2020 haf nesaf.

Pan ofynnwyd i Zinedine Zidane a ddylai Real Madrid rwystro Gareth Bale rhag chwarae golff, dywedodd: “Dw i ddim am rwystro unrhyw un o fy chwaraewyr rhag gwneud unrhyw beth yn eu hamser rhydd.”

Dechreuodd Gareth Bale ei gêm gyntaf i’r clwb ers Hydref 5 mewn buddugoliaeth o ddwy gôl i un yn erbyn Alaves y penwythnos diwethaf.

Yn yr un cyfnod mae Gareth Bale wedi chwarae pedair gêm i Gymru wrth iddyn nhw ennill eu lle yn Ewro 2020.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn