Ewro 2020: penderfynu ai yn Baku fydd tîm Cymru’n aros

Diweddarwyd am  
Crys coch, a logo'r Gymdeithas Bel-droed ar y frest

Llun: Cymdeithas Bêl-droed Cymru

Fe fydd Ryan Giggs yn penderfynu dros yr wythnosau nesaf ym mle fydd carfan Cymru’n bwrw gwreiddiau yn ystod cystadleuaeth bêl-droed Ewro 2020 haf nesaf.

Bydd y tîm yn wynebu’r Swistir (Mehefin 13) a Twrci (Mehefin 17) yn Azerbaijan cyn teithio i Rufain i herio’r Eidal (Mehefin 21).

Cafodd yr enwau eu tynnu o’r het yn Bucharest neithiwr (nos Sadwrn, Tachwedd 30), wrth i Gymru ddarganfod ym mle fyddai eu gemau.

“Bydd ein dwy gêm gyntaf yn Baku felly mae gyda ni’r posibilrwydd o aros yno yn dibynnu ar y cyfleusterau a’r gwres, felly mae’n well cael dewis na pheidio,” meddai’r rheolwr.

“Byddwn ni’n cyfarfod â’r tîm ac yn edrych ar y cyfleusterau. Roedden nhw’n wych pan oedden ni yno.

“Gyda dwy gêm yno, gall Azerbaijan ein mabwysiadu ni fel ail wlad.”

Y rowndiau terfynol

Pe bai Cymru’n llwyddo i gyrraedd rownd yr 16 olaf wrth orffen yn yr ail safle, bydden nhw’n teithio i Amsterdam i herio’r tîm sy’n gorffen yn ail yng ngrŵp B.

Pe baen nhw’n gorffen ar y brig, bydden nhw’n chwarae yn Wembley.

Ac mae Ryan Giggs yn gwybod fod ganddo fe gyfle euraid i efelychu camp tîm Chris Coleman yn Ffrainc yn 2016.

“Roedd heno’n eiliad balch ond nid fi sy’n bwysig,” meddai.

“Mae’n fater o Gymru’n cystadlu ac yn cyrraedd pob twrnament mawr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd