“Mae gormod o sŵn yn erbyn Gareth Bale”

Diweddarwyd am  
Gareth Bale yn nghrys Real Madrid

Gareth Bale

Llun: Football.ua CC3.0 SA trwy Gomin Wicimedia

Mae Zinedine Zidane, rheolwr tîm pêl-droed Real Madrid, yn dweud bod y cefnogwyr yn gwneud “gormod o sŵn” yn erbyn Gareth Bale.

Cafodd y Cymro groeso anghynnes wrth iddo fe ddod oddi ar y fainc yn ystod buddugoliaeth ei dîm o 3-1 dros Real Sociedad yn y Bernabeu.

Roedd y cefnogwyr yn chwibanu i ddangos eu dicter yn dilyn ffrae’r faner yr wythnos ddiwethaf, pan oedd y Cymro’n dal baner yn dweud ‘Cymru. Golff. Real Madrid: yn y drefn honno’.

Mae’r cefnogwyr a’r wasg wedi bod yn beirniadu’r weithred wrth i’r Cymro ddathlu buddugoliaeth Cymru yn Stadiwm Dinas Caerdydd sy’n eu gweld nhw’n mynd i rowndiau terfynol Ewro 2020 y flwyddyn nesaf.

Ond mae Zinedine Zidane yn galw am bersbectif.

“Gobeithio na fydd hyn yn parhau am weddill y tymor,” meddai’r Ffrancwr, yn ôl y papur newydd Marca.

“Rydyn ni eisiau i’r cefnogwyr fod gyda ni o’r dechrau i’r diwedd, ond allwn ni ddim rheoli hynny.

“Mae gan y cyhoedd yr hawl i wneud beth fynnon nhw, ond rwy’n gofyn iddyn nhw gymeradwyo pawb.

“Rwy’n hapus gyda’i gêm a’r fuddugoliaeth ac fe ddaeth Bale i mewn i’r gêm yn dda.

“Yr hyn sy’n rhaid i chi ei wneud yw parhau i weithio ar y cae.”

‘Llongyfarch’

Dywed Zinedine Zidane nad yw e wedi trafod y sefyllfa â Gareth Bale, ond ei fod e wedi ei longyfarch ar ei berfformiad.

“Alla i ddim dweud wrthoch chi a yw’n annheg neu beidio,” meddai wedyn.

“Gall pawb ddweud beth fynnon nhw.

“Mae angen ein cefnogwyr arnon ni, ond allwn ni ddim rheoli beth sy’n digwydd wedyn.

“Mae gormod o sŵn yn erbyn Bale, mae e eisiau bod gyda ni a gwneud yn dda.

“Dyna pam nad ydyn ni eisiau siarad llawer.

“Mae e’n rhan o’r criw ac eisiau chwarae fel pawb arall.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd