Bristol City’n curo Caerdydd

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 0–1 Bristol City                                                                

Colli fu hanes Caerdydd yn y gêm ddarbi yn erbyn Bristol City yn y Bencampwriaeth amser cinio ddydd Sul.

Josh Brownhill a sgoriodd unig gôl y gêm i’r ymwelwyr yn Stadiwm y Ddinas, ergyd wych hanner ffordd trwy’r ail hanner.

Caerdydd a ddaeth agosaf at agor y sgorio mewn hanner cyntaf di sgôr ond tarodd cynnig gwych Junior Hoilett o bum llath ar hugain yn erbyn y trawst.

Tarodd yr Adar Gleision y pren wedi’r egwyl hefyd wrth i Leanrdo Bacuna geisio’i lwc o bellter ar yr awr.

Caerdydd a oedd y tîm gorau erbyn hynny ond yr ymwelwyr o dros Bont Hafren a aeth ar y blaen hanner ffordd trwy’r ail hanner, a hynny mewn steil. Cymerodd Brownhill un cyffyrddiad i osod ei hun cyn taro ergyd wych i’r gornel uchaf o bum llath ar hugain gyda’i ail.

Cafodd Caerdydd eu hatal gan y trawst am y trydydd tro wedi hynny, peniad Aden Flint o gic gornel.

Roedd y tîm cartref yn haeddu pwynt o leiaf, ond nid felly y bu, wrth i amddiffyn Bristol City, ac Ashley Williams yn ei ganol, ddal eu gafael ar lechen lân i sicrhau’r fuddugoliaeth.

Mae’r golled yn cadw tîm Neil Warnock yn bedwerydd ar ddeg yn nhabl y Bencampwriaeth.

.

Caerdydd

Tîm: Etheridge, Peltier, Nelson, Flint, Bennett, Bacuna, Pack, Mendez-Laing, Tomlin (Whyte 75’), Hoilett (Paterson 89’), Bogle (Madine 83’)

Cerdyn Melyn: Pack 19’

.

Bristol City

Tîm: Bentley, Kalas, Williams, Baker, Lopes Pereira (Moore 86’), Brownhill, Nagy, O’Dowda, Rowe, Watkins (Palmer 63’), Weimann

Gôl: Brownhill 67’

Cardiau Melyn: Nagy 27’, Rowe 53’

.

Torf: 23,846

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd