Grimsby 1–1 Casnewydd
Bydd yn rhaid i Gasnewydd ail chwarae eu gêm rownd gyntaf Cwpan FA yn dilyn gêm gyfartal yn erbyn Grimsby yn Blundell Park brynhawn Sadwrn.
Gôl yr un a oedd hi, y tîm cartref yn mynd ar y blaen cyn i Padraig Amond unioni i’r ymwelwyr o dde Cymru.
Aeth Grimsby ar y blaen ddau funud cyn yr egwyl pan beniodd Luke Waterfall groesiad Liam Gibson i gefn y rhwyd.
Roedd Casnewydd yn well wedi’r egwyl, yn enwedig wedi i Amond ymuno â’r ornest oddi ar y fainc.
Daeth y Gwyddel yn agos at unioni pethau gyda pheniad a darodd y postyn cyn sgorio o’r smotyn ddeg munud o’r diwedd yn dilyn trosedd Jake Hessenthaler ar Mark O’Brien yn y cwrt cosbi.
.
Grimsby
Tîm: Russell, Waterfall, Ohman, Pollock, Gibson, Whitehouse (Clifton 83’), Hessenthaler, Robson, Green (Rose 68’), Hanson, Cook (Cardwell 89’)
Gôl: Waterfall 43’
Cardiau Melyn: Ohman 20’, Green 27’, Robson 90+5’
.
Casnewydd
Tîm: King, Inniss, Bennett (Poleon 77’), O’Brien, Willmott, Labadie, Sheehan, Nurse (Whitely 65’), Haynes, Abrahams (Amond 64’), Matt
Gôl: Amond [c.o.s.] 80’
.
Torf: 2,086
