Elyrch balch yn curo’r Adar Gleision

Diweddarwyd am  
Elyrch v Adar Gleision

Abertawe’n dathlu

Llun: Mark Kerton / PA Wire

Mae Abertawe wedi curo Caerdydd o 1-0 yng ngêm ddarbi’r de yn y Bencampwriaeth yn Stadiwm Liberty.

Ben Wilmot rwydodd unig gôl y gêm, a’i gôl gyntaf i’r Elyrch, gyda pheniad ar ôl 24 munud.

Roedd yr amddiffynnwr 19 oed, sydd ar fenthyg o Watford, yn y tîm yn lle’r chwaraewr lleol Joe Rodon, oedd wedi methu prawf ffitrwydd.

Abertawe oedd y tîm cryfaf drwy gydol y gêm ddarbi gyntaf rhwng y ddau dîm ers 2014, er iddyn nhw wneud chwe newid i’r tîm.

Roedd yr ystadegau yn erbyn yr Elyrch cyn y gêm, ar ôl ennill dim ond un gêm allan o’r pedair diwethaf gartref, ond roedd ystadegau Caerdydd cynddrwg, gyda dim ond dwy fuddugoliaeth allan o ddeg gêm.

Manylion y gêm

Gallai Andre Ayew fod wedi sgorio ar ôl deg munud yn dilyn pas drwodd gan George Byers ond cliriodd Lee Peltier y bêl oddi ar linell y gôl.

Bu bron i Bersant Celina fanteisio’n ddiweddarach ar gliriad gwan gan y golwr Neil Etheridge, wrth i Matt Grimes ergydio dros y trawst.

Daeth y gôl ar ôl cyfnod o bwyso o’r gornel, ac fe groesodd Wayne Routledge tuag at Ben Wilmot oedd yn rhydd i roi’r bêl yn y rhwyd.

Parhau i bwyso wnaeth yr Elyrch yn yr ail hanner, gan dorri’n rhydd yn gyflym dro ar ôl tro o ganol y cae ac roedden nhw’n edrych yn gyfforddus hyd at y munudau olaf.

Pwysodd Caerdydd am gyfnod yn hwyr yn y gêm wrth geisio unioni’r sgôr, ac fe fu’n rhaid i Freddie Woodman, golwr yr Elyrch, wneud ambell arbediad.

Daeth y cyntaf oddi ar beniad Sean Morrison cyn i Gavin Whyte daro foli tuag at y golwr oddi ar groesiad gan Joe Ralls.

Daeth cyfleoedd hwyr i Nathan Dyer a Bersant Celina, ond fe lwyddodd yr Elyrch i ddal eu gafael cyn y chwiban olaf a’r dathliadau mawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd