Abertawe 1–2 Stoke
Ildiodd Abertawe gôl hwyr wrth golli gartref yn erbyn Stoke yn y Bencampwriaeth brynhawn Sadwrn.
Er iddynt fynd ar y blaen yn y munud agoriadol, mae’r Elyrch yn disgyn o frig y tabl ar ôl colli o ddwy gôl i un ar y Liberty.
Roedd llai na munud ar y cloc pan agorodd Andre Ayew y sgorio, yn rhwydo i gôl agored wedi i Adam Federici wyro cynnig gwreiddiol Yan Dhanda i’w lwybr.
Roedd yr ymwelwyr yn gyfartal hanner ffordd trwy’r hanner, Sam Clucas yn sgorio yn erbyn ei gyn glwb wedi i Freddie Woodman arbed cynnig gwreiddiol cyn Alarch arall, Joe Allen.
Er i Abertawe ddechrau’r prynhawn ar frig y tabl a Stoke ar y gwaelod, yr ymwelwyr a oedd yn edrych orau yn yr ail hanner a daeth Peter Etbo yn agos at eu rhoi ar y blaen wrth daro’r trawst.
Ac fe ddaeth y gôl yn y diwedd, ym munud olaf y naw deg. Gôl flêr oedd hi, Scott Hogan yn rhwydo wedi i Woodman arbed peniad y Cymro, Sam Vokes.
Mae pethau’n agos ar frig y Bencampwriaeth ac mae tîm Steve Cooper yn disgyn i’r pedwerydd safle o ganlyniad i’r golled munud olaf hon.
.
Abertawe
Tîm: Woodman, Roberts, van der Hoorn, Rodon, Naughton (Bidwell 16’), Fulton (Byers 62’), Grimes, Ayew, Dhanda, Celina (Routledge 66’), Baston
Gôl: Ayew 1’
Cardiau Melyn: Fulton 47’, Grimes 79’
.
Stoke
Tîm: Federici, Edwards, Natth, Carter-Vickers, Martins Indi, Ndiaye, Allen, Clucas, Etebo, Gregory (Vokes 65’), Campbell (Hogan 65’)
Goliau: Clucas 22’, Hogan 90’
Cerdyn Melyn: Allen 42’
.
Torf: 16,612