Rheolwr y Mis: “gwobr i bawb yn y clwb,” meddai Steve Cooper

 
Steve Cooper Abertawe

Steve Cooper, rheolwr tîm pêl-droed Abertawe

Llun: golwg360 / Alun Rhys Chivers

Mae Steve Cooper ei fod e wedi ennill gwobr “i bawb sy’n gysylltiedig â’r clwb” ar ôl cael ei enwi’n Rheolwr y Mis ar gyfer mis Awst.

Fe ddaeth i’r brig ar ôl cyrraedd rhestr fer oedd yn cynnwys Lee Bowyer (Charlton), Lee Johnson (Bristol City) a Marcelo Bielsa (Leeds).

Mae’r Elyrch wedi ennill pum gêm ac wedi cael un gêm gyfartal hyd yn hyn, gan gyrraedd brig y Bencampwriaeth.

Maen nhw’n croesawu Nottingham Forest yn y gynghrair heddiw.

“Nid gwobr i’r unigolyn mo hwn,” meddai Steve Cooper.

“Yn hytrach, mae’n adlewyrchiad o waith caled ac ymdrech nid yn unig y chwaraewyr ond y staff hyfforddi a phawb sy’n gysylltiedig â’r clwb.

“Yn ein clwb ni, mae pawb yn rhan o’r tîm ac mae popeth maen nhw’n ei wneud yn cyfrannu at yr hyn sy’n digwydd ar y cae.

“O’r amser byr dw i wedi bod yma, mae’n amlwg i fi fod pob un person sy’n gweithio i’r clwb pêl-droed hwn mor angerddol wrth helpu Abertawe i symud yn ei flaen.”

Cafodd yr amddiffynnwr canol Mike van der Hoorn ei enwebu ar gyfer gwobr Chwaraewr y Mis, ond fe aeth y wobr i Daniel Johnson, sy’n chwarae i Preston.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd