Mae Caernarfon yn gobeithio am fuddugoliaeth gynta’r tymor mewn gêm oddi cartref yn erbyn Airbus heno.
Er bod y tîm wedi perfformio yn dda yn eu tair gêm gyntaf, dim ond dwy gêm gyfartal ac un golled gafodd y Canerîs hyd yn hyn y tymor hwn.
Ac er mai newydd ennill dyrchafiad i Uwch Gynghrair Cymru mae Airbus, tydi rheolwr Caernarfon ddim y disgwyl gornest hawdd.
“Mae’n mynd i fod yn gêm anodd yn eu herbyn nhw, “ meddai Sean Eardley.
“Maen nhw’n dîm da sy’n hoffi chwarae pêl-droed ar y llawr, yn debyg i ni, ac mae ganddyn nhw chwaraewyr da. Maen nhw wedi cael rhediad caled o ganlyniadau ac, o’r hyn dw i’n ei gasglu, mae eu perfformiadau wedi bod yn dda.”
Mae’r gêm yn fyw ar S4C a’r gic gyntaf am wyth o’r gloch.
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
