Colli yn y Liberty “wedi creu argraff” ar enw newydd Abertawe

Diweddarwyd am  

Jake Bidwell

Llun: Jrppezza SA 4.0 trwy Gomin Wicimedia

Mae Jake Bidwell, yr amddifynnwr 26 oed sydd newydd ymuno â Chlwb Pêl-droed Abertawe, yn dweud bod colli yn Stadiwm Liberty gyda’i hen glwb y tymor diwethaf wedi creu argraff arno.

Roedd e’n aelod o dîm QPR a gollodd o 3-0 yn Abertawe fis Medi y llynedd.

Jake Bidwell yw’r chwaraewr cyntaf i ymuno â’r clwb ers i Steve Cooper gael ei benodi’n rheolwr yn dilyn ymadawiad Graham Potter am Brighton ar ddiwedd y tymor diwethaf.

Fe fydd e’n ymuno â’r garfan yn Sbaen, wrth iddyn nhw barhau â’u paratodau ar gyfer y tymor newydd.

Ac mae’n dweud ei fod e wedi cael ei ysbrydoli gan Angel Rangel, chwaraewr QPR a chyn-gapten yr Elyrch, a Connor Roberts wrth wneud penderfyniad ynghylch ei ddyfodol.

“Roedd y gêm honno’n un a greodd argraff arna’i oherwydd roedd yn brynhawn hir i ni,” meddai, wrth gofio’r golled y tymor diwethaf.

“3-0 oedd hi yn y pen draw, ond roedden ni’n hel cysgodion am y rhan fwyaf o’r prynhawn.

“Pêl-droed ymosodol yw’r arddull, yn amlwg, a dyna mae’r cefnogwyr am ei weld.

“Ond y peth pwysig, pan ydych chi’n cael pethau’n iawn, yw ennill gemau pêl-droed a fel dw i’n dweud, 3-0 oedd y canlyniad y diwrnod hwnnw, felly mae’n arddull sy’n arwain at ennill.

“Dw i’n credu y bydd yn gweddu i’r dim i fi, a dw i’n hoffi cael y cyfle i symud ymlaen o safle’r cefnwr, a gobeithio y galla i ychwanegu at y tîm a’u helpu nhw i wella.”

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd