Penodi Cymro’n rheolwr newydd tîm pêl-droed Abertawe

Diweddarwyd am  

Mae Cymro wedi cael ei benodi’n rheolwr parhaol ar dîm pêl-droed Abertawe am y tro cyntaf ers i Brian Flynn fod wrth y llyw rhwng 2002 a 2004.

Daeth cadarnhad heno (nos Iau, Mehefin 13) mai Steve Cooper o Bontypridd yw’r rheolwr newydd, ar ôl i Graham Potter adael am Brighton fis diwethaf.

Yn fwyaf diweddar, roedd e’n rheolwr ar dîm dan 17 Lloegr a enillodd Gwpan y Byd yn 2017.

Mae’n fab i’r cyn-ddyfarnwr, Keith Cooper, ac yn byw yn Wrecsam.

Gyrfa

Dechreuodd ei yrfa’n chwarae fel amddiffynnwr i glybiau Wrecsam, Y Seintiau Newydd, Y Rhyl, Bangor a Phorthmadog.

Ar ôl mentro i’r byd hyfforddi, fe dorrodd ei gwys gydag Academi Wrecsam, cyn mynd yn ei flaen i hyfforddi gydag Academi a thîm dan 21 Lerpwl gyda Brendan Rodgers, ac yna dimau dan 16 a dan 17 Lloegr.

Dyma’i swydd gyntaf yn rheoli un o glybiau Cynghrair Bêl-droed Lloegr.

Mae wedi’i ddylanwadu gan Jose Seguera, cyn-hyfforddwr tîm ‘B’ Barcelona – ffaith sy’n sicr o fod wedi cyffroi perchnogion Abertawe wrth iddyn nhw geisio dychwelyd at eu dull traddodiadol o chwarae pêl-droed deniadol.

 

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd