Rhaid i’r Elyrch adeiladu ar dymor da, meddai amddiffynnwr ifanc

 
Joe Rodon

Joe Rodon

Llun: Dimitri Legakis / Clwb Pêl-droed Abertawe

Mae Joe Rodon, amddiffynnwr ifanc tîm pêl-droed Abertawe, yn dweud bod angen i’r clwb adeiladu ar dymor llwyddiannus yn 2019-2020.

Bu bron i’r Elyrch gyrraedd y gemau ail gyfle ar ddiwedd y tymor hwn, ac mae dull y tîm ifanc o chwarae wedi ennyn cryn ganmoliaeth yn ystod y tymor.

Ond byddan nhw’n brwydro am ddyrchafiad unwaith eto’r tymor nesaf gyda rheolwr newydd, yn dilyn penderfyniad Graham Potter i fynd i Brighton er mwyn cael y profiad o reoli yn Uwch Gynghrair Lloegr.

Mae’r dyfalu ynghylch enw’r rheolwr newydd yn parhau, gyda chryn sylw i Cameron Toshack, yr hyfforddwr oedd yn gyfrifol am feithrin doniau’r to iau yn yr Academi.

Ymhlith y rhai oedd wedi sefyll allan y tymor diwethaf oedd y Cymry Daniel James a Connor Roberts, ynghyd ag Oli McBurnie, George Byers a Matt Grimes.

Roedd Joe Rodon allan am ran sylweddol o’r tymor ar ôl torri asgwrn yn ei droed.

‘Rhaid i fi barhau i wella’

“Rhaid i fi barhau i wella, dyna natur pêl-droed,” meddai’r Cymro ifanc, sy’n hanu o ardal Llangyfelach y ddinas.

“Os ydych chi’n sefyll yn stond, rydych chi’n cael eich gadael ar ei hôl hi.

“Mae’r un peth yn wir amdanon ni fel tîm.

“Dw i’n hyderus iawn yn sgil y tymor aeth heibio, a rhaid i ni fynd i ffwrdd rhwng y tymhorau a sicrhau ein bod ni’n dychwelyd ac yn gwthio ar raddfa enfawr.

“Gobeithio y gallwn ni fwrw iddi.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd