Man Utd yn arwain y ras i arwyddo’r Cymro Dan James

 
Pen ac ysgwydd o Dan James

Daniel James yng nghrys Abertawe

Llun swyddogol gan Glwb Pêl-droed Abertawe

Mae Man Utd yn arwain y ras i arwyddo chwaraewr pêl-droed Cymru ac Abertawe, Dan James, yn ôl adroddiadau.

Y sôn yw bod trafodaethau rhwng y ddau glwb wedi mynd ymhell ac mai dim ond ychydig o fanylion sydd angen eu cwblhau cyn cytuno ar fargen o tua £15m, gyda thaliadau pellach os bydd yn llwyddo

Fe fu sion lu ynghylch ymadawiad yr asgellwr o Stadiwm y Liberty wythnos diwethaf ar ôl perfformiadau trawiadol i’r clwb ac i Gymru.

Bellach , mae’n ymddangos mai Man Utd sydd yw’r ffefrynnau amlwg i arwyddo’r llanc 21 oed, a hynny cyn clybiau eraill sydd wedi eu henwi, gan gynnwys Brighton, Everton a Newcastle.

Tymor a hanner

Mae Dan James wedi gwneud ei farc yn y Bencampwriaeth y tymor hwn wrth sgorio pum gôl chreu 10 mewn 38 gêm, yn aml oherwydd ei gyflymder mawr.

Yn ogystal, fe lwyddodd i dorri mewn i dîm Cymru yn ystod dechrau’r ymgyrch Ewro 2022 wrth chwarae dwy gêm, oedd yn cynnwys gôl yn erbyn Slofacia i dîm Ryan Giggs.

Mae ganddo’r gallu i chwarae ar y ddwy asgell a thrwy’r canol, ond mae son bod Man Utd yn gweld dyfodol iddo ar yr asgell dde yn Old Trafford.

Ymladd i gadw’r rheolwr

Parhau y mae brwydr Abertawe i ddal gafael ar eu rheolwr, Graham Potter, ar ôl dim ond blwyddyn yn y swydd.

Mae perchnogion a chadeirydd y clwb yn trafod gydag e yn y gobaith o’i berswadio i aros.

Hyd yma, maen nhw wedi gwrthod rhoi caniatâd i’r clwb Uwchgynghrair, Brighton, drafod gyda’r rheolwr er mwyn ei ddenu yno.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd