Yr Elyrch yn ennill

Diweddarwyd  

Abertawe 3–1 Middlesbrough                                                      

Cafodd Abertawe fuddugoliaeth gyfforddus wrth groesawu Middlesbrough i’r Liberty yn y Bencampwriaeth brynhawn Sadwrn.

Grimes, Routledge a Roberts a gafodd goliau’r Elyrch wrth iddynt ennill eu pumed gêm gynghrair gartref yn olynol.

Abertawe a ddechreuodd orau ac roeddynt yn llawn haeddu mynd ar y blaen ddeuddeg munud cyn yr egwyl gyda chic o’r smotyn Matt Grimes. Roedd Dan James yn profi’n lond llaw i amddiffyn Middlesbrough ac fe sgoriodd Grimes o ddeuddeg llath wedi i Ryan Shotton lorio asgellwr ifanc Cymru yn y cwrt cosbi.

Dyblodd yr Elyrch eu mantais bedwar munud yn unig yn ddiweddarch, Wayne Routledge yn gorffen gydag ergyd isel dda ar ôl cael ei ryddhau gan Bersant Celina.

Celina a greodd drydedd y tîm cartref i sicrhau’r fuddugoliaeth ugain munud o’r diwedd hefyd, yn canfod Connor Roberts wrth y postyn pellaf y tro hwn a chefnwr Cymru’n gorffen yn gelfydd ar y foli.

Golygodd hynny mai gôl gysur yn unig a oedd foli hwyr George Saville i’r ymwelwyr.

Mea’r canlyniad yn codi tîm Graham Potter i’r trydedd safle ar ddeg yn y tabl.

.

Abertawe

Tîm: Nordfeldt, Roberts, van der Hoorn (Rodon 79’), Carter-Vickers, Byers, Grimes, Dyer, Celina, James (Narsingh 69’), Routledge (Asoro 68’)

Goliau: Grimes [c.o.s.] 34’, Routledge 38’, Roberts 71’

Cerdyn Melyn: Grimes 21’

 

.

Middlesbrough

Tîm: Randolph, Fry, Ayala, Flint, Friend (Shotton 32’), Saville, Downing, Clayton (Fletcher 55’), Mikel, Howson, Hugill (Assombalonga 55’)

Gôl: Saville 81’

Cerdyn Melyn: Howson 90+3’

.

Torf: 18,171

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd