Galw am sicrhau diogelwch pêl-droedwyr ar ôl ymosodiadau

 

Mae Cymdeithas y Pêl-droedwyr Proffesiynol (PFA) yn galw am ymchwiliad i dri digwyddiad yn ymwneud â diogelwch chwaraewyr dros y penwythnos.

Nos Wener (Mawrth 8), neidiodd cefnogwr Hibernian i’r cae a mynd wyneb-yn-wyneb â James Tavernier, capten Rangers, cyn i stiwardiaid ei dywys i ffwrdd.

Ddydd Sul (Mawrth 10), ymosododd cefnogwr Birmingham ar Jack Grealish, capten Aston Villa, yn ystod y gêm ddarbi fawr. Cafodd Paul Mitchell, 27, ei arestio yn dilyn y digwyddiad a’i gyhuddo o ymosod.

Mae’r awdurdodau’n dweud y bydd yn cael gwaharddiad am oes rhag mynd i St. Andrew’s, stadiwm Birmingham.

Oriau’n ddiweddarach, rhedodd cefnogwr Arsenal at Chris Smalling, amddiffynnwr Man U, a’i wthio. Bydd yntau hefyd yn cael ei wahardd am oes gan Arsenal.

Ymchwiliad

Cyn y trydydd digwyddiad rhwng Man U ac Arsenal, roedd y PFA yn galw am ymchwiliad i’r ymosodiad ar Jack Grealish.

Maen nhw’n dweud eu bod yn gofidio am y nifer cynyddol o ddigwyddiadau lle gall cefnogwyr gael mynediad i’r cae yn ystod gêm, a’r posibilrwydd o ddychwelyd i’r hen ddyddiau pan oedd digwyddiadau o’r fath yn fwy cyffredin.

Mae Birmingham wedi ymddiheuro am yr ymosodiad ar Jack Grealish.

Yn y cyfamser, fe fu’n rhaid i Heddlu West Midlands siarad â stiward, yn dilyn honiadau ei fod e wedi cicio neu wthio Jack Grealish wrth iddo ddathlu gôl ar ôl yr ymosodiad cyntaf arno.

Dywedodd Aston Villa fod y cefnogwr wedi “croesi’r llinell” yn dilyn yr ymosodiad gwreiddiol.

Mae Arsenal hefyd wedi beirniadu’r ymosodiad ar Chris Smalling, ac wedi ymddiheuro wrtho fe a Man U.

Mae Cynghrair Bêl-droed Lloegr a Chymdeithas Bêl-droed Lloegr wedi beirniadu’r digwyddiadau.

Dydy Uwch Gynghrair Lloegr ddim wedi gwneud sylw hyd yn hyn.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd