Rheolwr Real Madrid ddim am annog cefnogwyr i gefnogi Gareth Bale

 
Gareth Bale yn nghrys Real Madrid

Gareth Bale

Llun: Football.ua CC3.0 SA trwy Gomin Wicimedia

Fydd Santiago Solari, rheolwr tîm pêl-droed Real Madrid, ddim yn annog cefnogwyr y clwb i roi croeso cynnes i Gareth Bale wrth i’r tîm herio Barcelona yn y Bernabeu heno (nos Sadwrn, Mawrth 2).

Fe fu’r Cymro dan y lach yn ddiweddar, ac fe wrthododd ddathlu cic o’r smotyn yn erbyn Levante yr wythnos ddiwethaf, gan awgrymu bod y berthynas rhyngddo fe, y cefnogwyr a’i gyd-chwaraewyr wedi suro.

Fe fu’n ymddangos fel eilydd ers mis Ionawr, ar ôl gwella o anaf i’w goes.

“Does gyda fi ddim byd i’w ddweud wrth y cefnogwyr,” meddai’r rheolwr.

“Mae pawb yn adnabod Gareth ac yn gwybod yr hyn mae e wedi’i roi i’r clwb hwn.

“Mae’r cefnogwyr yn y Bernabeu yn barchus iawn.”

Dydy hi ddim glir ar hyn o bryd a fydd Gareth Bale yn dechrau’r gêm neu’n cael ei enwi ymhlith yr eilyddion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd