Ryan Giggs yn ‘falch o berfformiad Cymru’

 

Ryan Giggs

Llun: Cymdeithas Bêl-droed Cymru

Dywed Ryan Giggs ei fod yn falch o berfformiad tîm Cymru er gwaethaf colli 2-1 mewn gêm hynod gyffrous yn erbyn Denmarc yng Nghaerdydd neithiwr.

Roedd Nicolai Jorgensen wedi rhoi Denmarc ar hanner amser a Martin Braithwaite wedi dyblu mantais yr ymwelwyr wrth sgorio ddau funud cyn y diwedd.

O fewn eiliadau fodd bynnag, roedd Gareth Bale wedi taro’n ôl gyda’i 31ain gôl dros ei wlad, gan gadw’r dorf a chwaraewyr Denmarc ar bigau’r drain am yr hyn oedd weddill o’r gêm Cynghrair y Cenhedloedd.

“Rydych chi bob amser yn siomedig pan ydych chi’n colli, mae’n amlwg, ond dw i’n falch o’r chwaraewyr,” meddai’r rheolwr Ryan Giggs. “Dw i’n falch o’r perfformiadau maen nhw wedi’i roi yn y ddwy gêm yn erbyn tîm da iawn.

“Roeddech chi’n gweld heno fod Denmarc yn effeithiol, profiadol a disgybledig ac fe allwn ni ddysgu o hynny.

“Mae’r holl brofiad mae’r chwaraewyr wedi’i gael yn eu rhoi mewn sefyllfa gref wrth fynd i gemau rhagbrofol yr Euro y flwyddyn nesaf.”

Fe fydd tîm Cymru ar eu ffordd yn fuan i Tirana i wynebu Albania mewn gêm gyfeillgar ddydd Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd